2 Kolinto 7:10 - Amazwi Yakwe Leza 2013

¹⁰ Pano ulanda uno Leza akaomvya wene ukuleta ukuzenzuka kuno kukatungulula ku ufyusi. Caleka mutalinzile kuvwa ulanda pali cii. Pano kuvwa ulanda wakwe vino amu nsi yakacita kwene kukaleta imfwa.

2 Kolinto 7:10 ပူးပေါင်းရင်းမြစ်များ

Utandiko 30:1

Lelo lino Lakeli walola ukuti atakuvyalila Yakobo ana, aya nu uzuwa pali nyinalenzi, nga anena Yakobo ati, “Mpela ana, nanti mfwe!”

2 Samueli 12:13

Davidi pali pakuvwanga ati, “Naifya kunuli we Yawe.” Natani nawe aasuka ati, “Yawe wakwelela. Utakufwa.

2 Samueli 13:4

Yonadabu anena Amunoni ati, “Wewe mwana wa mwene, lelo cila wanda ukaloleka umukungumale. Uzye icani cikukucuzya?” Amunoni nawe amwaasuka ati, “Nemo nkukumbwa Tamala, kaci wa mwinane Abusalomu.”

2 Samueli 17:23

Lino Aitofeli walola ukuti umpandamano wakwe utalondilwe, akwela pali punda wakwe nga aswilila ku musumba kumwao. Alino pacisila cakupeela amazwi ya utunguluzi ku ang'anda yakwe, Aitofeli aikulika. Acino afwa nga iyamuzika mwi lindi lya aluko lwakwe.

1 Yamwene 21:4

Acino Aabu afuma kweneko ala watasoka sana pali vino Naboti umwina Yezileele wavwanzile. Lino wasendama pa musanzi wakwe, alozya amanso ku lung'umba nu kulya atalile.

Masamu 38:18

Kwene nkuilongwela ukwifya kwane, nu kusakamala nene musakamale apa kwifya kwane.

Mapinda 15:13

Umwenzo wa luzango ukailanga sile uweneco umu kuloleka, lelo umwenzo wa ulanda ukatembola.

Mapinda 15:15

Amanda ya muntu umucuzi yonsi kwene yakaya aipe. Lelo umwenzo wa luzango ukailyokezya insita zyonsi.

Mapinda 17:22

Umwenzo wa nsansa umulembo usuma sana. Umwenzo utitikiziwe ukaumya amafupa.

Mapinda 18:14

Umulwale akulondesya umu mwenzo wakwe ukupola zuwa, nu mwenzo wakwe ukamupelesya amaka akulwisya ulwale wakwe. Lelo umulwale ndi cakuti watovoka awe lyene ala casila, catala nu kutala.

Kasambilizya 7:3

Amalanda yazipa ukuluta inseko. Amalanda yakakungumalika, lelo yakaapa umuntu amano.

Yelemiya 31:9

Apa kupita yapisile ala yakulila. Lelo ndayamyalalika pa kuweluluka. Ndayatungulula ku nguzi zya manzi, umu nzila itambalale, muno yatalapumika foo, pano anene ndi isi wakwe Izlaeli na Efulemu ali yeli lyane.

Ezekelo 7:16

Yayo alapusuka yalapukila mu myamba, lelo ndayakoma yonsi wa vipeele, cila muntu apa maifyo yakwe.

Yona 3:10

Lyene lino Leza walola vino antu yacita na vino yazenzwike uku misango yao yankota, aya na mizu kunoyali nga atayaponyezizye uwononesi uno walanzile ukuti alayaponyezya.

Yona 3:8

Antu yalinzile ukuzwala vyakuzwala vyakulanga ulanda nga ni nyama nazyo muzivimbe ni vyakuzwala kwene vivyo. Cila muntu alinzile apimpe ukupepa kuli Leza. Endi, umuntu ali wensi alinzile ukuta imisango yakwe ya nkota kumwi ni vicitwa vyakwe viipe.

Yona 4:9

Lelo Leza anena Yona ati, “Uzye ukweti insambu yakusoka pamulandu wa cimelwa?” Yona nawe aasuka ati, “Endi, nkweti nsambu, nupya nene musoke cakuti cinganzipila nu kufwa.”

Mateo 26:75

Lyene Petulo aiusya vino Yesu wamunenyile ati, “Lino mukolwe atacili alamule, wemo umankana maila yatatu ale ukuvwanga vino utamanyile.” Alino Petulo afumila panzi nga alila minsozi nu ulanda ukulu cuze.

Luka 15:10

Namunena vino mu musango uli onga, angeli yakwe Leza yakazanga pali kaifya wenga uwazenzuka.”

Luka 18:13

Lelo kasonkisya aimilila katalamukila. Lyene ainamika usyu wakwe pansi kwaula nanti kulingamila mwiyulu, lelo ayuma pa cifuwa cakwe nga avwanga ati, ‘Leza uye na mizu kunondi ne kaifya.’”

Milimo 11:18

Lyene lino yuvwa vintu vii, yata kupazyanya nawe, lelo yati, “Lyene Leza watapela Akulukuwa isyuko lya kuzenzuka kuti yaye nu umi!”

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

2 Kolinto 12:21

Nkoopa kuti lino ndiza limwi Leza alandenga kuya ni nsonyi pa manso inu, ndalonda kulila pano aingi muno muli aifizye mpiti nupya yatazenzwike ku vya winyi vyao, imbunu nga nu uzelele wao.

2 Kolinto 7:9

Ndakai ndi nu luzango asi pamulandu wakumulenga kuvwa ulanda. Lelo apamulandu wakuti Leza waomvizye ulanda kwene uu, kuti aleke muzenzuke ku miyele inu. Caleka swemo tutacisile cimwi ciipe kuno muli.

Ayebulai 12:17

Mwati mumanya ukuti pacisila wene walondanga kupolelelwa ni isi. Lelo yamulesizye, pano atakweti nzila yakusenula vino wacisile nanti angala wapapasile nu kuponya minsozi.

1 Samueli 30:6

Davidi wali umu ntazi ikulu sana, pamulandu wakuti antu yakwe yonsi imyenzo yali iwaye pa kuponzya ana na aci yao. Iyatandika nu kupanga kuti yakomole Davidi na mawe. Lelo Yawe Leza wakwe amupa ukuposya.