2 Kolinto 6:5 - Amazwi Yakwe Leza 2013

⁵ Tumwanga, twanyepwanga mu man'ganda ya minyololo nga nu kuciswa mu zya mpanzela. Twaombesyanga nupya tutalalanga tulo nanti kulya.

2 Kolinto 6:5 ပူးပေါင်းရင်းမြစ်များ

1 Yamwene 22:27

Uyanene yamusunge mu ng'anda yaminyololo, nga mulinzile mwamupeela cakulya cinono na manzi yanono suka sile ince imbwele umutende.”

2 Milandu 16:10

Cii calenzile kuti umwene Asa asokele kasema cakuti amwika umu ng'anda yaminyololo. Kufuma lilyo kwene umwene Asa atandika kuteeka antu uluku uluku.

Ezaya 53:5

Lelo ukuya kwene, apali ucipote witu, icalenzile ukuti yamucisole vivi. Apamulandu wa uyi witu, icalesile ukuti yamume mu musango uwa. Ukuumwa kwakwe ukwalenzile ukuti twikale mu longo. Ivyumo vyakwe ivyalenga ukuti tupole.

Yelemiya 33:1

Lino yacili yati yafungilila Yelemiya umu musolo wakwe yakalinda, izwi lyakwe Yawe lyamufikile iila lyakwe cili iliti,

Yelemiya 38:6

Acino nayo ali vino yasenzile Yelemiya, yaya yamusumbila mu cifula cakwe Malikiya, umwana wa mwene. Icifula cayelile mu musolo wakwe yakalinda. Ali muno yamutelemwila ku mwando. Lelo icifula cico mutalimo amanzi. Mwali sile amatipa. Yelemiya ali pakutika mu matipa.

Ezekelo 3:17

“We mwana wa muntu, nemo nakusonta ukuya kalinda wa ina Izlaeli. Wayanena vino nkucelwile.

Mateo 14:10

nga yaya mu ng'anda yaminyololo, yaputula umutwe wakwe Yoane.

Mateo 14:3

Pano nkolelo Helodi wapile ilamulo kuti yaleme Yoane, yamunyepe nu kumuyalila mu ng'anda yaminyololo. Wacisile cii pamulandu wakwe Helodia muci wakwe Filipo mwina wakwe.

Mateo 9:15

Yesu aasuka ati, “Uzye asukilizi ali pa cimulo ca winga yangikala akungumale lino yali pamwi na siwinga? Citangaya vivyo! Lelo manda yaliza lino siwinga alasendwa kufuma pano yali, lyene alino yalaizilizya ukulya.

Milimo 13:3

Lyene lino yaizilizya ukulya, nu kupepa, iika makasa yao panoyali, yayatuma.

Milimo 14:19

Lelo Ayuda yamwi aizile kufuma ku Antioki wa Pisidiya nu ku Ikoniamu yatonsya maumba ku lusansa lwao, nga yatama Paulo na mawe, yamukulila nu kunzi yamusumba, yelenganya vino watafwa.

Milimo 14:23

Muli cila uvi yasontamo aikolo yi uvi. Alino yaizilizya ukulya, yapepa, yaika mu makasa ya Mwene, wino yatailamo.

Milimo 17:5

Lelo Ayuda yuvwa uzuwa nga yakonganika antu yamwi asilesile amu misolo atali na mulimo wakuomba yapanga iumba lya mpanzela. Yaponya impanzela mu musumba onsi, yazanza ing'anda ya muntu uwi zina lyakwe Yasoni, umukwezya kulonda Paulo na Sailasi yafumiwe panzi ku antu.

Milimo 20:31

Pempulini, lyene nu kwiusya ukuti pa myaka itatu, musanya nu usiku, namusambilizye cila wenga, na minsozi.

Milimo 23:10

Vikanza vikulisya na musika mukalamba intete zimulema zyakuti limwi yangasantola Paulo. Caleka apeela ilamulo ku asilika kuti yafumyemo Paulo yamutwale ku kamba kao.

Milimo 23:35

amunena ati, “Namaiza nuvwe mulandu wako lino yao akukulongwela iiza.” Lyene apeela ilamulo kuti yasunge Paulo nu kumulinda mwi sano lyakwe Helodi.

Milimo 24:27

Pacisila ca myaka iili, Polokia Fesito atoola cifulo ca ulasi wakwe Felikisi. Lelo pano Felikisi walondanga kutasiwa na Ayuda, asya Paulo mu ng'anda yaminyololo.

Milimo 26:10

Nu kucita avino nacitanga mu Yelusalemu. Nayanga nkulenga maka kuli yasimapepo akalamba akuyalila antu yakwe Leza aingi mu mang'anda yaminyololo. Na lino yapingwilwanga ukufwa, nani nazumilizyangako.

Milimo 26:29

Paulo aasuka ati, “Nanti pa kasita kanono nanti nsita ntali, ipepo lyane kuli Leza ilyakuti wewe na yao yonsi asyala, mwe muno mu kuuvwa kunondi ilelo mungaya wakwe vino indi, suka sile kuntanyepwa mu minyololo ii!”

Milimo 28:30

Pa myaka iili Paulo watenzi mu ng'anda ino wasonkelanga ala akupokelela yonsi aizanga ku kumulola.

Milimo 5:18

Lyene yalema atumwa yayayalila mu ng'anda yaminyololo.

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

1 Kolinto 4:11

Na ndakai kwene tukupita ala tuli ni nzala nu lusala. Tuzwite nsamu. Tukaumwa. Tukazeya kufuma mu cifulo conga kuya ku cuze.

1 Kolinto 7:5

Caleka cila wenga atalinzile kukanya kufikilizya kulonda kwa mwili ku muze, suka sile ndi mwati muzumilizyanya kuntacita cii pamulandu wakuti musumbe nsita mu kupepa. Lelo mulinzile kutandika nupya kufikilizya ivyaya mu utwazi. Mu musango kwene uu, amuno mulacingililwa ku mezyo yakwe Ciwa pamulandu wa kuntaikanya kwinu.

2 Kolinto 11:27

Naomvile nu kupikintika. Lingi napitanga kwaula kulala. Napisile ni nzala nu lusala, lingi nulilwe vyakulya, mwakwikala, nacuzile ku mpepo nu kusizya.

Efeso 3:1

Caleka ne Paulo, munyepwe pamulandu wa kutumikila Klistu Yesu nkumupepela kuli Leza mwe Akulukuwa.

Malango 25:3

Yangamuma ivikoti ukufika na pa makumi yani sile. Atakezye ukucizya penepo pano ndi cakuti vyacila penepo, mungaleka umunyonko azewane sile pa antu.

Filipi 1:13

Caleka yakalinda yonsi amwi sano pali pamwi na antu yauze yonsi ali pano yamanyile ukuti nemo indi mu ng'anda yaminyololo pamulandu wakuti nene muomvi wakwe Klistu.

1 Tesalonika 2:9

Mwe ina itu akundwe, cumi kwene mukwiusya ntazi zitu lino twaombanga munomuli. Mukwiusya vino twaomvile musanya nu usiku kulonda vyakutwazwa kuti tutaya wa cisendo kunomuli, lino tukukosola Ilandwe Lisuma kunomuli lyakufuma kuli Leza.

1 Timoti 4:10

Acino swemo tukalwisya nu kuombesya, nu kwezya kucimvya pamulandu wakuti twika upaalilo witu muli Leza wa cumi. Wene ali Katuula wakwe onsi, maka maka yao yonsi ataila.

2 Timoti 1:8

Acino lyene utuvwa insonyi izya kupeela umboni pamulandu wa Mwene witu. Nupya utuvwa insonyi pamulandu wane, ne munyepwe pamulandu wakwe Klistu. Lelo wakumako ku kuculila Ilandwe Lisuma, lino Leza akukupeela maka akucita cii.

2 Timoti 2:9

Pamulandu wa kukosola Ilandwe Lisuma, nemo nkacula nu kunyepwa mu minyololo kwati nene cipondo. Lelo mazwi yakwe Leza yene yatanganyepwa mu minyololo.

2 Timoti 4:5

Lelo wemo ulinzile kuisunga muli vyonsi. Uwaposya mu macuzi yonsi. Omba mulimo uwakukosola Ilandwe Lisuma nga nu kuomba ncito yako yonsi wa muomvi wakwe Leza.

Ayebulai 11:36

Yamwi yayasowike nu kuyanyambola, yauze nao yanyefilwe mu minyololo nu kuyatwala ku ng'anda yaminyololo.

Ayebulai 13:17

Mwayela intunguluzi zinu nu kulondela malamulo yao. Yene yakasopa umi winu kwaula kupuza, pasi pano yalalondolola kuli Leza pa kutumikila kwao. Ndi mukuyayela lyene yamaombanga milimo yao ni nsansa. Lelo ndi musyakuyayela, yamaombanga milimo yao nu ulanda nga namwe citangaya cakumwazwa.

Ayebulai 13:23

Nkulonda mumanye ukuti Timoti mwina witu wasapulwa kufuma mu ng'anda yaminyololo. Ndi cakuti wene angiza zuwa, ndakatuka nawe pa kwiza lolana namwe.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.