2 Kolinto 6:14 - Amazwi Yakwe Leza 2013

¹⁴ Fuminiko ku antu atataila! Uzye muntu musuma angalemana uli nu muntu mwipe? Uzye wololoke vingalemana uli nu ui? Uzye uluswepo ni mfinzi vingaya pamwi?

2 Kolinto 6:14 ပူးပေါင်းရင်းမြစ်များ

Utandiko 24:3

Nkulonda ulape mwi zina lyakwe Yawe, Leza uwa mwiyulu na pano nsi, ukuti utalalondela umwana wane mukazyana wakutwala ukufuma mu mpanga ya Kenani, mukwene muno nkwikala.

1 Yamwene 18:21

Eliya pali pakupalamila ku antu yaya yonsi nga ayanena ati, “Uzye alilaci lino mulelenganya vino muli nu kucita? Ndi cakuti Yawe ali Leza winu, fwandi ali wino mwapepa! Lelo ndi cakuti Baali ali leza winu, fwandi ali wino mwapepa!” Lelo antu yatavwanzile nanti izwi lyonga.

2 Milandu 19:2

Kasema Yeu umwana wakwe Hanani nawe ala watafumila apanzi ku kumukomenkanya. Lino yakomenkana, nga kasema Yeu auzya umwene ati, “Uzye icisuma ukwazwilizya anisi yakwe Yawe? Apamulandu uu, umukosi wakwe Yawe uli nu kukuponela.

Ezila 10:19

Yayo yene yazenzwike nu kuta aci yao, yatuula na suuku wa, mpolelwa yakwelela amaifyo yao.

Masamu 106:35

lelo yamatwalana sile na inamasi yakopola ni micitile yao.

Masamu 119:63

Nene cuza wakwe yayo yonsi akakoopa, yayo yonsi akayela amasunde yako.

Masamu 16:3

Kuli yayo akaele aya muno nsi, ali yacindame yane yano nemo nkazangilamo.

Kufuma 34:16

Nupya limwi ana inu aonsi yangatwala ana yao anaci, nga nayo yangalenga kuti yamfutatile nu kupepa tuluwi twao.

Mapinda 22:24

Utandana icuza na antu acipyu, utapita na antu aakasoka zuwa.

Mapinda 29:27

Antu asicita vyaololoke yakapata antu aololoke, asuma nayo yakapata aipe.

Aina Levi 19:19

“Mwayela amasunde yane. Utalenga ukuti inyama zya mwata upusanepusane zyalondelelana. Utakomela misango ya mbezu iili mu calo conga. Utazwala insalu iyapangwa ni nsalu ziili zipusane.

Malaki 2:11

Antu aku Yuda yasi acumi kuli Leza nupya yacita ivintu iviipe wakwe cimwi mu Izlaeli nu mu Yelusalemu kwene. Yene yakowezya Ng'anda ikulu yakwe Yawe ino wene watemwa. Yene yatwala anaci ainamasi akapepa tuleza tuluwi.

Malaki 2:15

Uzye Yawe atakuumvile kuti uye umwili nu mupasi onga nu muci wako? Uzye wene wakweti ipange cii pa kucita cico? Umulandu uno wene wacitile cico, apakuti ana yano ulakwata yakaye ana yakwe Leza. Acino uisunge, nga utavuna upangano uno wacisile nu muci wako wino watwite mu ulumendo wako.

Yoane 7:7

Mwemo amu nsi yatangayamupate, lelo nemo yampata pano nkayanena vino vicitwa vyao iviipe.

Milimo 4:23

Lilyo kwene lino yasapulwa, Petulo na Yoane yaswilila kwi umba lya alondezi, yayalandila na vyonsi vino ya Simapepo akalamba na ikolo yayanenyile.

1 Kolinto 10:21

Mutangamwa mu lwako lwa Mwene nga nu mulwako lwa mipasi yankota. Mutangalya pa cipango ca Mwene nga na pa cipango ca mipasi yankota.

1 Kolinto 15:33

Mutaisomba mweisikulu. Yacuza aipe yakaonona miyele isuma.

1 Kolinto 5:9

Muli kalata wino nalemvile kunomuli namunenyile kuntaya mu utandano na antu yano yakacita ulenzyo.

1 Kolinto 6:6

Mu cifulo cakwe cii, cazanwa ukuti mwina Klistu wenga akasitaka umuze ku cilye ca milandu kuti apingulwe na asi a mwiuvi.

1 Kolinto 7:39

Mwanaci wino watwalwa wene asi nu untungwa wa kutwalwa lino iya acili nu umi. Lelo ndi iya wafwa, lyene ala waya nu untungwa wakutwalwa ku monsi wensi wino akulonda, cikulu sile ale umonsi wiyo umwina Klistu.

Filipi 2:15

pakuti muye akaele, ana yakwe Leza aswepe nupya afumaluke, yano akaikala mu nsi ikowele nupya pakasi kakwe yakaifya. Mulinzile kuyengesa munoyali wa ntanda zino zikupeela luswepo mupela mwiyulu,

Yakobo 4:4

Mwe antu mwe muno musi akutailwa kuli Leza! Uzye mutamanyile ukuti ndi mwaya ucuza ni nsi ala mwapatana na Leza? Wino wensi akalonda kuya cuza wa nsi ala wene waicita mwanisi wakwe Leza.