2 Kolinto 6:13 - Amazwi Yakwe Leza 2013

¹³ Ndakai nkulanda kuno muli ndi vino ningalanda ku ana yane kwene. Nkumupapata, yulini myenzo inu kuno tuli.

2 Kolinto 6:13 ပူးပေါင်းရင်းမြစ်များ

Masamu 119:32

Ndasimwilila uku kuyela amalamulo yako, pano ulampeelela kweneko ukwiluka.

Masamu 81:10

Nene indi Yawe, Leza winu, wiyo uwamufumuzizye mu mpanga ya Eguputo. Asamini nga nani namamutezya cakulya.

Mako 11:24

Caleka namunena nati, lino mukupepa nu kulenga pali cimwi, mutaile ukuti mwati mupokelela, nga mulapelwa consi cino mwalenga.

Galatiya 4:12

Inane, nkumupapata kuti muye wakwe nene, ndi vino nani kwene ndi wakwe mwemwe. Mwemo mutancitile ciipe nanti cimwi lino nkolelo nakosozile kunomuli.

Galatiya 4:19

Mwe ana yane akundwe! Nupya kwene, wa kuwaika kwa muumbuza, avino nani kwene nkuuvwa pamulandu winu, usuke mwata wakwe Klistu uye munomuli.

1 Tesalonika 2:11

Mumanyile ukuti twamusunganga ndi vino isi wa muntu akacita ku ana yakwe.

1 Yoane 2:1

Mwe ana yane, nkumulembela cii pakuti mutaifya. Lelo ndi umwi wifya, tukweti kaazwa akatuvwangila kuli Tata, ali Yesu Klistu umololoke.

1 Yoane 3:18

Mwe ana yane mwe, kutemwa kwitu kutaya sile mukulanda. Kwene kulinzile kuya ukwa cumi nupya kwaloleka mu milimo.

1 Yoane 3:7

Mwe ana yane, mutaleka umwi amusombe. Wino wensi akacita vyaololoke, wene waya umololoke ndi vino Klistu ali.

3 Yoane 1:4

Kusi cuze icikanzanzya kuluta pakuvwa ukuti ana yane yakayela icumi.