2 Kolinto 6:10 - Amazwi Yakwe Leza 2013

¹⁰ Yakati sweswe ya ulanda, lelo tukazanga lyonsi. Yakati sweswe apina, lelo tukalenga antu aingi kuya akama. Yakati tutakweti nanti cimwi, lelo tukweti vyonsi.

2 Kolinto 6:10 ပူးပေါင်းရင်းမြစ်များ

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Mapinda 13:7

Umuntu umwi akaitunga ukuya umukama lino atakweti nanti acimwi. Muze nawe akaitunga ukuya umupina, lelo ala akweti ni mitumba ya vyuma.

Mapinda 16:16

Ukukwata malango kwazipa ukuluta zaabu, nu kucenjela kwacindama ukuluta siluva.

Mateo 5:12

Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

Mateo 5:4

Alongo antu yano yakauvwa ulanda. Pano Leza alayasansamusya.

Luka 6:21

“Alongo amwemwe mwe munomuli ni nzala ndakai. Pano mulikuta! Alongo amwemwe mwe muno mukulosya ndakai. Pano mulatekeziwa!

Yoane 16:22

Vii avino cili kunomuli. Ndakai muli nu ulanda, lelo ndiza mulole nupya, nga ni myenzo inu ilazulamo ni nsansa zino pasi umuntu nanti umwi angazisisya kufuma kunomuli.

Milimo 16:25

Pa nsita imwi, manye usiku pakasi, Paulo na Sailasi yapepanga nu kwimba inyimbo kuli Leza, na anyepwe yauze yakutikanga kunoyali.

Milimo 3:6

Petulo amunena ati, “Ntakweti nanti lupiya lumwi, lelo namakupeela cino nkweti. Mwi zina lyakwe Yesu Klistu uwaku Nazaleti Katuka wapita!”

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

Loma 11:12

Caleka kwifya nu kuposiwa kwa Ayuda ndi kwaleta muzano ku antu a mitundu yonsi ya pano nsi, lyene lino Ayuda yonsi asolwa yalayela Leza ale kupolelelwa kulavula.

Loma 12:15

Muzange pamwi na yao akuzanga, losyini pamwi na yao akulosya.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?

Loma 9:2

mwenzo wane ukunyunguluka nupya ndi nu ulanda ukulu cuze pamulandu wa inane, antu amu luko lwane.

1 Kolinto 1:5

Pano mukutaila muli Klistu mwemo mwati muya akama mu vintu vyonsi, pamwi nu mu mvwango nga nu mukumanya ivintu.

2 Kolinto 2:4

Pa nsita ino nalemvile kalata kuli mwemwe, nali mu kucululuka cuze. Manso yane yazilemo minsozi, nga nu kunyunguluka mu mwenzo. Lelo ntalondanga kuti muvwe ulanda. Nemo nalondanga sile kuti mumanye kutemwa kuno namutemwa.

2 Kolinto 4:15

Vii vyonsi vyacisilwe pamulandu winu, pakuti vino cikuku cikufika ku antu aingi vivyo kwene cikungilizya ntaizyo ku lulumbi lwakwe Leza.

2 Kolinto 4:7

Swemo tukoline wa nyungu muno cuma cii casungwa. Maka ya umi yakafuma kuli Leza, asi kuno tuli.

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Efeso 3:16

Nkalenga ukuti Leza, kulingana nu kucindama kwa ukama wa cikuku cakwe, amukomye na Mupasi wakwe kuti muye akomeleke mu myenzo.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.

Filipi 4:4

Mwazanga mu Mwene. Nupya kwene nkuti mwazanga!

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

1 Tesalonika 1:6

Acino, lino mwazumile ilandwe, mwemo mwakolinye sweswe nu Mwene mu micitile. Mwacuzile, lelo Mupasi Wamuzilo wamusansamusyanga.

1 Tesalonika 5:16

Muye nu luzango lyonsi,

1 Timoti 4:8

Ukuyelezya mwili kukaazwilizya panono, lelo kuyelezya kucindika Leza kukaleta umuzano muli vyonsi. Pano kukatwazwa mu vya umi uu, na vino tungaya mu umi ukwiza.

1 Timoti 6:18

Uwayanena kuti yacita visuma, nu kuya akama mu milimo isuma, nu kupeela kwaula lusoko, yaye aiteyanye kwankanyako yauze.

Ayebulai 10:34

Mwemo mwakumileko ku kucula pamwi na anyepwe. Nalino yamuposile vyuma vinu vyonsi, mwemo mwacipokelile ni nsansa, pano mwamanyile ukuti mucikweti cuma cisuma cuze cino cikaikalilila manda pe.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

1 Petulo 4:13

Lelo zangini pano mukukumako ku macuzi yakwe Klistu, kuti muce muye nu luzango cuze lino alaloleka mu lulumbi.

Umbwilo 2:9

Namanya intazi zyako. Namanya ukuti wewe mupina. Lelo mu cumi wewe mukama! Namanya vilandwa viipe vino yakutumpwila yao akailanda ukuti Ayuda nalino yasi Ayuda. Yene yali mwi umba lyakwe yao yakwe Ciwa.

Umbwilo 21:7

Wino wensi alacimvya nemo ndaya Leza wakwe nawe alaya umwana wane.