2 Kolinto 5:18 - Amazwi Yakwe Leza 2013

¹⁸ Leza aliwe uwacita vii vyonsi. Wene watumile Klistu kupanga mutende pakasi kakwe Leza naswe, nupya watupela mulimo uwa kupanga mutende pakasi kakwe umwisikulu na antu.

2 Kolinto 5:18 ပူးပေါင်းရင်းမြစ်များ

Ezaya 52:7

Iye mwe, vino ingazo zya nkombe yi landwe lisuma zyayemba lino akutelemuka ukufuma ku myamba. Waleta ilandwe lya longo ni nsansa. Wasowela ukuluzi nu kunena Zioni vino Leza wakwe akuteeka.

Ezaya 57:19

Nemo naletela yonsi pyu ulongo, yayo yano yali umupipi, nga na yayo ali ukutali kwene! Ala nemo ndapozya antu yane.”

Ezekelo 45:15

Pa mfwele zinu imyanda iili muli nu kutuulapo yonga. Muli nu kutuula uwila wa vyakulya, nu wa nyama zyakoca zya musuma, nu wila wa nyama izya mawila autandano pamwi, ali pakuti mwaelelwa uluse pa maifyo inu. Ivyalanda Yawe Simwandalali.

Danieli 9:24

“Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Aina Levi 6:30

Lelo ndi yaleta uwazi uwa wila uwo uwa kwelela amaifyo mwi Taalu lya Ukongano nu kuuomvya mu lutambi lwa kufuta amaifyo, inyama iyo italinzile ukuliwa. Ilinzile ukoca yonsi pyu.

Luka 10:5

Mu ng'anda yonsi muno mwingila ndi yamupokelela, mutale muti, ‘Mutende uye pali onsi amu ng'anda ii.’

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Yoane 3:27

Yoane nawe aasuka ati, “Kusi cimwi wakwe cii cingacitikila umuntu, suka Leza ndi waleka kuti cicitike.

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Loma 11:36

Pano vintu vyonsi vyaumvilwe na aliwe, nupya vintu vyonsi vyacisilwe pamulandu na aliwe, lulumbi luye kunoli manda pe. Ameni.

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

1 Kolinto 11:12

Pano vino mwanaci waumvilwe kufuma ku monsi, mu musango uli onga kwene monsi akavyalwa ku mwanaci. Leza aliwe akalenga kuti vintu vyonsi viyeko.

1 Kolinto 12:6

Kwaya maka apusane akutumikilamo, lelo Leza ali umwi akapeela maka kuli yonsi akatumikila.

1 Kolinto 3:5

Uzye Apolo aweni? Uzye Paulo aweni? Sweswe aomvi sile yakwe Leza, yao amwazwilizye kuti mutaile. Cila wenga uwa munotuli akaomba mulimo uno Leza wamupile kuti acita.

1 Kolinto 8:6

lelo swemo twakwata Leza wenga sile. Wene ali Tata nga aliwe kwene ali kaumba wa vintu vyonsi, nupya swemo tukamutumikila. Yesu Klistu sile ali Mwene witu. Vintu vyonsi vyaumvilwe na aliwe, nga munoli swemo twapelwa umi.

Kolose 1:22

Lelo ndakai kupitila mu mfwa ya Mwana wakwe yaku mwili, mwemo Leza wamucita kuya yacuza yakwe pakuti aleke muye amuzilo, asanguluke, nupya aula mulandu pa manso yakwe.

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.

1 Yoane 4:10

Kuu kuli kutemwa kwakuti asi sweswe twatemwa Leza, lelo pano wene uwatutemilwe nga atuma Mwana wakwe kuti aye impolelwa ya pa maifyo itu.