2 Kolinto 5:15 - Amazwi Yakwe Leza 2013

¹⁵ Klistu watufwilile swensi. Wafwile pakuti tutaikala umi uwakuizanzya, lelo uwakuzanzya wino uwafwile nupya wazyukwike pamulandu witu.

2 Kolinto 5:15 ပူးပေါင်းရင်းမြစ်များ

2 Yamwene 5:17

Nga alino Naamani asuka avwanga ati, “Apa kukana uwila wane leka fwandi nsende ivu lya muno mpanga pa nyumbu ziili, pasi pano ukutandikila sile apa wanda wi lelo ukuya ku nkolelo nemo ntalatala impeele amawila yakoca nanti impolelwa kuli leza ali wensi suka sile kuli Yawe wenga mpo.

Ezekelo 16:6

“Lelo nemo, napitile lwakuno yakusumbile. Nga nuvwa kuno ukupantoka, ukuivumvunya umu wazi wako. Nga nalino ucili uizi mumu kwene, niza nakuvwanzya nati, ‘Samalale, ungala uye nu umi ukakule uye wi sote lya mu mpanga.’

Ezekelo 37:14

Nemo ndayaputilizya umupu wane, ndayawezezya umi nu kuleka yaikala nu umi umu mpanga yao. Ali lino yalasininkizya ukuti fwandi nene indi Yawe. Nemo nalaya ukuti avino ndacita. Ivyalanda ne Yawe.”

Ezekelo 37:9

Alino Leza anena ati, “We mwana wa muntu, sesemela umuza amazwi yane. Nena umuza ukuti, ne Yawe inku ukonkomezya ukuti utunke monsi monsi nu kwiza putilizya umu vyala apakuti vyafuuta nupya.”

Habakuku 2:4

Uu uli usemo: Yakacita ya viipe yalalowa, l lelo yakacita ya visuma yalaya nu umi. Yonsi akacita vyaololoke yalaya nu umi pano yene acumi kuli Leza.

Zakaliya 10:9

Nanti nayasalanganyizizya mu inamasi, lelo namo kwene yalanjiusya mukwene muno yali. Yene yalapusuka pamwi na ana yao, nu kuwelulukila pamwi kumwao.

Luka 1:74

kututuula kufuma ku anisi itu, kuti twamutumikila ukwaula intete,

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Yoane 6:57

Tata wino akapeela umi uwantuma, nga nani indi nu umi pamulandu wakwe. Mu musango uli onga kwene wino wensi akulya umwili wane alaya nu umi pamulandu wane.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Loma 4:25

Leza wapile Yesu kuti afwe pamulandu wa maifyo itu, nupya uwamuzyukwile kuti aye nu umi, pakuti atucite kuya aololoke pa manso yakwe.

Loma 6:2

Awe citangaya! Ndi twafwa nu kufuma mu maifyo, uzye lyene tungatwalilila kwifya uli?

Loma 6:6

Twamanya vino untu witu wa mpiti watanyilwe pamwi na Klistu pa lupanda, kuti myenzo ya ukakasi ifumiwepo, nu kuti maifyo yatatuteeka uzya.

Loma 8:10

Lelo ndi Klistu akaikala munomuli, nanti angala imili inu ilafwa pamulandu wa maifyo, ale Mupasi Wamuzilo amamupeela umi pano mwacitwa kuya aololoke pa manso yakwe Leza.

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

Loma 8:6

Kutungululwa ni vilondwa vya mwili ukuiletelela imfwa, kutungululwa na Mupasi Wamuzilo kwene kukatuletela umi nu mutende.

1 Kolinto 10:33

Mwacita sile ndi vino nani nkacita, kwezya kuzanzya antu yonsi muli vyonsi vino nkacita, kwaula kuyelenganyizizya visuma nemwisikulu, lelo visuma vya kwazwa yauze pakuti yangatuulwa.

2 Kolinto 12:10

Endi, nemo ndi nu luzango lwa kuya nu utonte, kutukwa, kuzunyiwa, nu kukwata ntazi na macuzi, ndi vyonsi vili pamulandu wakwe Klistu. Pano lino ndi mu utonte, ale lyene nene mukome.

2 Kolinto 3:6

Aliwe kwene akatupeela maka akutumikila mu upangano upya. Upangano uu usi pa masunde yano alembwa, lelo pa Mupasi Wamuzilo. Masunde yano alembwa yene yakaleta imfwa, lelo Mupasi Wamuzilo wene akapela umi.

2 Kolinto 5:16

Caleka ndakai tusyapingula antu kulingana na vino yakaloleka. Nanti angala pa nsita imwi twatazile tupingula Klistu kulingana na vino muntu akaloleka, lelo ndakai tusyacita vivyo.

Galatiya 5:25

Mupasi Wamuzilo aliwe watupeela umi. Acino tulinzile kumuyela kuti atungulule umi witu.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

Kolose 2:12

Pano lino mwawatiziwe, mwazisilwe pamwi na Klistu, nga nu mu luwatizyo mwazyukwike pamwi na Klistu pamulandu wakutaila mu maka yakwe Leza, wino uwalenzile kuti Klistu azyukuke kufuma ku afwe.

Kolose 3:1

Mwemo mwazyukwilwe pamwi na Klistu nu kuya nu umi. Caleka ikini myenzo inu pa vintu vino vili mwiyulu, muno Klistu atenzi pa cilimba cakwe kwi kasa lilunji lyakwe Leza.

Kolose 3:17

Vyonsi vino mukucita nanti kulanda, nanti mukuomba milimo, mulinzile mucitile mwi zina lya Mwene Yesu, lino mukutaizya Leza Tata muli Klistu.

Kolose 3:23

Mulimo onsi uno mukuomba, ombini ni myenzo inu yonsi, kwati limwi mukuombela Mwene, asi kuombela umuntu.

1 Tesalonika 5:10

Klistu watufwilile, pakuti tungikala pamwi nawe nanti angala tulaya afwe nanti apuma pa kwiza kwakwe.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

1 Petulo 4:6

Uli mulandu uno Ilandwe Lisuma lyakosozilwe nu ku afwe kwene. Na pacisila ca kupingulwa pa vicitwa vino yacisile lino yacili nu umi, kuti mipasi yao iye nu umi ndi vino Leza waya nu umi.

1 Yoane 4:9

Leza watulanzile kutemwa kwakwe pakutuma Mwana wakwe wenga sile muno nsi, pakuti aliwe atupeele umi.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.