2 Kolinto 5:14 - Amazwi Yakwe Leza 2013

¹⁴ Kutemwa kwakwe Klistu ukukatupindulula pano twamanya kwaula kutwisika kuti muntu wenga wafwilile antu onsi, lyene swensi kwene twakuma ku mfwa yakwe.

2 Kolinto 5:14 ပူးပေါင်းရင်းမြစ်များ

1 Milandu 11:18

Fwandi asilika yatatu alumbuke ali pakuipatikizya kupita mu nkambi ya ina Filisti, yaya yatapa amanzi mu cifula, nga yaletela Davidi. Davidi nawe atamwile amanzi yayo, lelo ayapongolwela pansi wa wila kuli Yawe.

Yobo 32:18

Ivyakuvwanga ninkwata ivivule. Nu kupamviwa, natimpamviwa ukuti ningaviswa.

Lwimbo lwakwe Solomoni 1:4

Nsenda sile, tuye tuutuke, tupitisye! We mwene wane njingizya mu muputule wako, uleke swensi tuzange nu kusansamukila munuli. Twawanzya ulukundo lwako luno lwaluta waini. Acino anaci yonsi yakutemelwa.

Ezaya 53:6

Swensi pyu pano twapela, twazeulukanga wa mfwele, swensi twapulupuntanga sile. Yawe nawe ali pakumutwika uyi witu swensi, uno twali nu kuculilamo.

Mateo 20:28

wakwe vino Mwana wa Muntu atizile kuti atumikilwe, lelo kuti atumikile yauze nu kupeela umi wakwe kuti akulule antu aingi.”

Luka 15:24

Pano umwanane wii wafwile, lelo nupya ali nu umi. Waponzile, lelo ndakai watalondoka.’ Lyene yatandika kuzanga.

Luka 15:32

Cati cizipa kuti tuzevye nu kuzanga, pano munyonko wafwile, lelo nupya ali nu umi. Waponzile, lelo ndakai watalondoka.’”

Luka 24:29

Lelo yamupapata yati, “Ikala naswe, pano ilanzi lyatemba na kakuku ikatola.” Caleka aingila aikala nao.

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Yoane 11:25

Yesu ati, “Nene kuzyukuka nu umi. Wino wensi wantaila nanti angafwa alaya nu umi nupya.

Yoane 5:25

Cumi namunena vino, kasita kakwiza, nupya kati kafika, lino afwe yaluvwa izwi lya Mwana wakwe Leza. Lyene yano aluvwa izwi lyakwe yalaya nu umi.

Milimo 18:5

Lino Sailasi na Timoti yafisile kufuma ku Makedoniya, Paulo wasumvile nsita yonsi mu kukosola ilandwe lya Mwene, ala akunena Ayuda ukuti Yesu ali Klistu.

Loma 2:2

Lyene twamanya vino upinguzi wakwe Leza kuli yakacita ya viipe uwa cumi.

Loma 5:15

Lelo ya yaili yasi ali yamwi, pano uwila wakwe Leza utangakolana ni iifyo lyakwe Adamu. Iifyo lya muntu wenga ilyaleta imfwa pa antu aingi. Lelo cikuku nu wila wakwe Leza ivikulu cuze, pano vyaleta upolelelo ku antu aingi. Nu wila uno Leza wapela, umuntu wenga sile Yesu Klistu.

Loma 6:13

Mutapela vilundwa vya mili inu ku maka yi ifyo, kuti viye viombelo vya kucitilako ukakasi. Lelo muipele kuli Leza, wa antu yano azyukulwa kufuma ku afwe nu kuya nu umi. Mupele vilundwa vyonsi vya mili inu kuli Leza, kuti viye viombelo vya kucita vyawololoke.

Loma 6:6

Twamanya vino untu witu wa mpiti watanyilwe pamwi na Klistu pa lupanda, kuti myenzo ya ukakasi ifumiwepo, nu kuti maifyo yatatuteeka uzya.

1 Kolinto 16:22

Muntu umwi ndi asyatemwa Mwene, Atipwe! Malanata! Mwene witu, iza!

1 Kolinto 2:14

Muntu wino asi na Mupasi, wene atangapokelela mawila yakwe Mupasi wakwe Leza. Muntu uwa musango uu, atangiluka vintu vya Mupasi. Kunoli visisenula cimwi, pano vikalondekwa kuya nu Mupasi Wamuzilo kuti muntu avyuvwe.

2 Kolinto 3:7

Masunde yalemvilwe pa vipampa vya mawe, nga lulumbi lwakwe Leza lwalolike lino yapilwe kuli Mose. Masunde yalenzile cinso cakwe Mose kuyengesa cuze cakuti aina Izlaeli yaposiwe kulolekesya penepo, nanti angala kuyengesa kwali mu kuzima. Ndi Masunde yano yakaleta imfwa, yapilwe nu lulumbi lwa musango uu,

2 Kolinto 3:9

Ndi mulimo wakulenga kuti antu yavunukwe wali uwa lulumbi, nga lyene mulimo wakulenga kuti antu yaye aololoke pa manso yakwe Leza uzye utalalusya kuya uwa lulumbi?

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

Efeso 6:24

Cikuku cakwe Leza ciye na antu yonsi yano atemwa Mwene witu Yesu Klistu nu kutemwa kwa pe.

Kolose 2:13

Pa nsita imwi mwemo mwali afwe ku mupasi pamulandu wa maifyo, inu na pamulandu wakuti mwemo mwali atasilamulwa mu myenzo inu, mwali Akulukuwa aula Masunde. Lelo Leza waleka kuti Klistu amucite kuya aumi, lilyo lino watwelezile maifyo itu yonsi.

Kolose 3:3

Pano mwemo mwafwile, icikusenula ukuti umi winu wafiswa pamwi na Klistu muli Leza.

1 Timoti 2:6

Wene waipile kuti akulule antu onsi. Cii cali icisininkizyo pa nsita ilingane ukuti Leza akalonda umuntu wensi atuulwe.

1 Timoti 5:6

Lelo mukamfwilwa wino uwaipela mu vyakuizanzya ala wene wafwa akupita.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Ayebulai 2:9

Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

1 Petulo 1:8

Mwamutemwa nanti angala mutamulola, nupya ndakai musyamulola lelo mwamutaila. Lyene mukazanga, nga kusi mazwi angalondolola luzango lwinu lwa kutuulwa,

1 Yoane 5:19

Twamanya ukuti sweswe yakwe Leza nanti angala insi yonsi ili pisika lya utesi wa Mwipe wilya.