2 Kolinto 5:13 - Amazwi Yakwe Leza 2013

¹³ Ndi twaloleka avulungane ale pamulandu twacindika Leza. Lelo ndi twaloleka amano ale pamulandu wakumwazwa.

2 Kolinto 5:13 ပူးပေါင်းရင်းမြစ်များ

Yelemiya 29:26

“Yawe wakusolwile wewe ukuya simapepo apa cifulo cakwe Yeoyada apakuti waangalila ing'anda yakwe Yawe, nu kuti unganyepa cipena wensi mu minyololo wiyo uwaituntumba ukuya wakwe kasema.

Mako 3:21

Lino akazi kakwe yuvwile pali cii, iiza kuti yamutole, pano antu yatangi, “Watapena!”

Loma 12:3

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

2 Kolinto 11:1

Nkupaalila ukuti mumanzumilizya nanti angala nene mutumpe. Namupapata munzumilizye!

2 Kolinto 12:11

Nacitanga vintu kwati nene mutumpe. Lelo mwemwe mwandenzile kucita vii, pano mwange mulande visuma vya pali nene. Pano nanti angala nemo nsi cimwi, lelo ntacepa kuluta pa atumwa inu yano mukati yacindamisya.

2 Kolinto 12:6

Ndi nalondanga kuitumika, ntangaya mutumpe, pano ale nemo nkulanda cumi. Lelo nemo ntalezya kuitumika, pano ntakulonda muntu nanti umwi anjelenganya kuluta pa cipimo ca vintu vino mwalola nkucita nu kuvwanga.

2 Kolinto 7:12

Lino nalemvile kalata, asi pamulandu wakupeela mulandu kuli wiyo uwaluvyanyizye nanti kuvwangila muntu wino wifizye. Nalemvile kalata kuti Leza amulange paswe kusakamala kuno mwatusakamala.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

1 Tesalonika 1:5

Pano lino twamuletile Ilandwe Lisuma, asi ku mazwi sile. Lelo nu ku maka nu kusininkizya kwa cumi caliko, kufuma kuli Mupasi Wamuzilo. Mwamanya vino twikalanga lino twali namwe. Cacitike pakuti tumwazwe.

2 Timoti 2:10

Acino nemo nkaposya muli vyonsi pamulandu wa antu asololwe yakwe Leza. Nemo nkacita cii kuti nao kwene Klistu Yesu ayatuule nu kupokelela lulumbi lwa manda pe.