2 Kolinto 4:8 - Amazwi Yakwe Leza 2013

⁸ Lingi tukacula, lelo tusitonta. Nanti ndi twatwisika tusyata kupaalila.

2 Kolinto 4:8 ပူးပေါင်းရင်းမြစ်များ

Masamu 129:2

“Anisi yane yakanzunya wakwe cimwi, ukufuma ku wance wane, lelo yaposiwa ukuncimvya.

Masamu 37:33

Umwene nawe, atange aezye ukumusya wenga umu makasa yakwe umweneco, nanti ukumupeela umulandu umu cilye.

Mapinda 14:26

Ukoopa Yawe kukakomya utailo, nga na ana yakwe yakazina munoli.

Mapinda 18:10

Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.

Ezaya 40:31

Lelo kuli yayo akataila muli Yawe awe cumi yene amaka yao yakaweluluka. Yakakatuka na maka wakwe lyang'anda, na lino yavulumuka ulwilo yasitonta. Na lino yakupita sile, nalyo kwene amaka yao yasisila.

Habakuku 3:17

Cingaya cemvya nanti umutingi utangaseeka ivizao, nu musamvu utangaya ni luwa nu kuseeka ivizao, ni cazi kwene citangaseeka, lelo umu vyalo vyao mutakatale mufume kamwi. Nga imfwele mu vitata ni ng'ombe zyao kwene mu nduwa zifwe zilukute zyonsi.

Yoane 14:18

“Ntalamusya mwenga wa ana asyale, lelo ndawela kunomuli.

1 Kolinto 10:13

Ukweziwa konsi kuno kukamucitikila, kuli kumwi kwene ukukacitikila antu yauze. Lelo Leza wene uwakutailwa. Wene atalazumilizya kuti mweziwe kuluta pali vino mungaposya. Pa nsita ino mukweziwa, wene alamulanga inzila yakuleukila matunko pa kumupeela maka akuti muposye.

2 Kolinto 12:10

Endi, nemo ndi nu luzango lwa kuya nu utonte, kutukwa, kuzunyiwa, nu kukwata ntazi na macuzi, ndi vyonsi vili pamulandu wakwe Klistu. Pano lino ndi mu utonte, ale lyene nene mukome.

2 Kolinto 6:12

Asi sweswe twayala myenzo kuno muli. Lelo mwemwe mwayala myenzo inu kuno tuli.

2 Kolinto 6:4

Lelo mu vintu vyonsi vino tukacita tukalanga ukuti mu cumi sweswe aomvi yakwe Leza. Lyonsi tukateeka myenzo nu kuzizimizya nanti tukweti intazi zingi, ucuzi nga nu kutitikiziwa.

2 Kolinto 7:5

Na lino twafisile mu Makedoniya tutakweti kupuza kumwi. Konsi kwali intazi, kulemanila na antu yauze nga ni ngofyo mu myenzo itu.

Galatiya 4:20

Cange cizipe nemo nje pamwi namwe, lyene nange ndonde umwakuvwangila kunomuli. Nemo mwampezya mano.

1 Samueli 28:15

Samueli anena Saulo ati, “Uzye pacani cino wanganola apa kundeta kuno?” Saulo aasuka ati, “Indi umu ntazi ikulu! Aina Filisti yakundwisya, nga Leza watamfutatila. Wene watata ukungasuka ukupitila muli yakasema nanti umu viloto kwene. Acino natinkwama kuti wize unene ivyakucita.”

1 Samueli 30:6

Davidi wali umu ntazi ikulu sana, pamulandu wakuti antu yakwe yonsi imyenzo yali iwaye pa kuponzya ana na aci yao. Iyatandika nu kupanga kuti yakomole Davidi na mawe. Lelo Yawe Leza wakwe amupa ukuposya.

1 Samueli 31:4

Alino Saulo anena umusenda mpamba wakwe ati, “Somola ulupanga lwako untote sile imfwe ukuluta kuti iviyantu vii ivitamanya Leza vize mu kunseka nga vinkome.” Umusenda mpamba nawe pali pakukana sana, pano wali ni ntete izya kucita cico. Acino Saulo pali pakutoola ulupanga lwakwe apona penepo aitota nga afwa.