2 Kolinto 4:7 - Amazwi Yakwe Leza 2013

⁷ Swemo tukoline wa nyungu muno cuma cii casungwa. Maka ya umi yakafuma kuli Leza, asi kuno tuli.

2 Kolinto 4:7 ပူးပေါင်းရင်းမြစ်များ

Yobo 10:9

We Leza icumi iusya ukuti nemo awewe wambumvile ukufuma ukwivu. Alino lyene fwandi ufutuke nu kunswilizya ukwivu kwene?

Yobo 33:6

Alino wemo ulinzile umanye ukuti nene nawe, sweswe ali yamwi pa manso yakwe Leza. Sweili kwene twaumvilwe ukufuma uku lukungu.

Yobo 4:19

Uzye wene angataila uli icaumbwa kwivu, icapangilwa ku lukungu, cico icingavungolwa wa kazizi.

Nyimbo zya ndosya 4:2

Ance amu Zioni acindime wakwe zaabu, lyene yangakolana sile ni nyungu ziivu zyakwe nakamata.

Mateo 13:44

“Uwene wa mwiyulu ukoline na cino cikacitika lino umwi wazana cuma camutengo cino umuntu wafisa mu musili mu calo. Lino wiza wacizana, nawe acifisa nupya, nga mu luzango apita, aya akazya vyonsi vino akweti, nga aiiza akala calo kwene cico.

Mateo 13:52

Alino ayanena ati, “Caleka kasambilizya wa Masunde wensi wino uwaya mulondezi wa Wene wa mwiyulu wene akoline nu mwine ng'anda, wino akafumya vyuma vyakwe vipya ni vikote mu nkoma yakwe.”

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

1 Kolinto 1:28

Wene wasolwile cico cino antu amu nsi yatazyela nu kusuula, nga nu kwelenganya ukuti icasilesile pakuti aonone cico cino antu amu nsi yakaelenganya vino icampomvu.

2 Kolinto 10:10

Yamwi muno muli yakuti, “Makalata yakwe Paulo yaya na mazwi akome nupya a maka. Lelo lino ali pamwi naswe, pa manso itu, wene umutonte, nupya mazwi yakwe yasyasenula cimwi.”

2 Kolinto 13:4

Nanti angala wali umutonte lino yamutanyile pa lupanda, ndakai ali nu umi kupitila mu maka yakwe Leza. Swemo tuli atonte ndi vino Klistu wali. Lelo mulalola ukuti swemo tulaya nu umi kupitila mu maka yakwe Leza, ndi vino Klistu ali.

2 Kolinto 4:1

Leza mu mizu yakwe watupela mulimo uu kuti twaomba. Acino tusyatonta.

2 Kolinto 5:1

Umwili uno twakwata pano pansi waya wa mutanda. Twamanya vino umutanda ndi waca ononeka tukweti ng'anda yuze kwi yulu, yene itakulwa na makasa ya antu nupya iyape na pe.

2 Kolinto 6:10

Yakati sweswe ya ulanda, lelo tukazanga lyonsi. Yakati sweswe apina, lelo tukalenga antu aingi kuya akama. Yakati tutakweti nanti cimwi, lelo tukweti vyonsi.

Efeso 2:5

cakuti lino twali afwe ku mupasi pa kuntayela wene watulenzile kuya aumi muli Klistu. Mwatuuzilwe ni cikuku cakwe Leza.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

Kolose 2:12

Pano lino mwawatiziwe, mwazisilwe pamwi na Klistu, nga nu mu luwatizyo mwazyukwike pamwi na Klistu pamulandu wakutaila mu maka yakwe Leza, wino uwalenzile kuti Klistu azyukuke kufuma ku afwe.

Kolose 2:3

Klistu ali mfungulo ya kumanya nkama yakwe Leza, nga mano nu kumanya konsi vyafiswa munoli.

1 Tesalonika 1:5

Pano lino twamuletile Ilandwe Lisuma, asi ku mazwi sile. Lelo nu ku maka nu kusininkizya kwa cumi caliko, kufuma kuli Mupasi Wamuzilo. Mwamanya vino twikalanga lino twali namwe. Cacitike pakuti tumwazwe.

1 Tesalonika 4:4

Umonsi wensi alinzile kumanya vino angikala nu muci wakwe muli umuzilo kwaula kumuzewanya.

2 Timoti 2:20

Mu ng'anda ikulu mwaya iviya vya misango ipusanepusane. Vimwi vyapangilwa na siluva nga na vimwi na zaabu, vyuze navyo vyapangilwa ni mbao nga ni ivu. Vimwi vikaomviwa pa mulimo ucindame, nga vimwi navyo pa mulimo uwasilesile.

Yakapingula 7:2

Yawe anena Gidyoni ati, “Antu yano uli nayo yavulisya, nupya asi amuno ningacimvizya aina Midyani. Pakuti aina Izlaeli yataca yifye kunondi apakuitasya ukuti yaituula aisikulu ku maka yao,