2 Kolinto 4:4 - Amazwi Yakwe Leza 2013

⁴ Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

2 Kolinto 4:4 ပူးပေါင်းရင်းမြစ်များ

1 Yamwene 22:22

“Yawe nawe awuzya ati, ‘Uzye umaya ukamulyombeleke uti uli?’ Mupasi wasuka uti, ‘Namaya nkaleke yakasema yakwe Aabu yaseme vyaufi.’ “Lyene Yawe avwanga ati, ‘Icisuma, fwandi pitanga kamulyombeleke, nawe amaya akuvwe, akazumile.’ ”

Masamu 50:2

Ukufuma uku Zioni, wawala nu usuma umwi uwacipezya mano.

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

Mateo 13:22

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi uwamu nsi ii, kusombwa nu ukama, vikaingila nu kutotola mazwi, alino yasyaseeka vizao.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Yoane 12:31

Ndakai, akasita ka kupingula antu amu nsi ii. Ndakai Ciwa kateeka wa nsi ii akucimviwa.

Yoane 12:35

Yesu avwanga ati, “Mumaya nu luswepo pa kasita kanono. Mwapita lino muli nu luswepo, pakuti mfinzi itangaya panomuli. Pano wino akupita mu mfinzi asimanya na kuno akuya.

Yoane 12:40

“Leza watapafuzya manso yao, nu kukomya myenzo yao, pakuti manso yao yatalola nanti yakampingu yao iiluke, pano limwi yangiza kunondi ne Leza, nga nane njapozye.”

Yoane 12:45

Na wino wensi wandola, ala walola na wino uwantuma.

Yoane 14:30

Ndakai ntangalanda namwe pa nsita ntali pano kateeka wa nsi ii akwiza. Wene asi na maka munondi.

Yoane 15:24

Ndi pakasi kao ntizile ncita vintu vino umuntu nanti wenga atatala wacita, nga yasi nu mulandu wa kwifya. Lelo yalola vino nacita, nga yapata Tata pamwi nani kwene.

Yoane 16:11

Yene aponge pamulandu wa kuntamanya upinguzi wakwe Leza pano Ciwa, kateeka wa nsi ii watavunukwa mpiti.

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Milimo 26:23

Yavwanzile ukuti Klistu, Katuula uwalavilwe alinzile kucula nu kuya uwankolelo kuzyukuka kufuma ku mfwa, kuti alete luswepo lwa ufyusi ku Ayuda nu ku Akulukuwa.”

1 Kolinto 10:20

Awe, cisi viyo! Mucumi vyakulya vivyo vikapelwa impolelwa ku mipasi yankota, asi kuli Leza. Ntakulonda kuti mwemo mwandane ni mipasi yankota.

2 Kolinto 2:11

Nemo nacita cii kuti ntaleka Satana aye na maka pano tuli. Pano twamanya mapange yakwe vino yaya.

2 Kolinto 2:12

Lino nafisile mu Tuloa kuti nkosole Ilandwe Lisuma lya pamulandu wakwe Klistu, nazanyile vino Mwene wayula inzila kweneko.

2 Kolinto 3:11

Masunde yene yapilwe nu lulumbi luno lwazimile. Lelo lulumbi lwa upangano upya lwene lukulu kuluta, pano lutalatala luzime.

2 Kolinto 3:14

Mu cumi mano yao yali muli kupi. Ni lelo kwene insalu ikayavimba lino yakuwelenga zya mu upangano wa mpiti. Insalu ingavimbuka sile lino muntu waya muli Klistu.

2 Kolinto 3:18

Caleka mausyu itu yatavimbwa. Yakalanga kuyengesa kwa lulumbi lwa Mwene akatulenga kukolana nawe ndi vino cinso ca muntu cikaloleka mwi galasi. Mwene ali Mupasi akatusenula kuti tukolane nawe nu kuya nawe mu lulumbi.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Galatiya 1:4

Klistu waipile mwisikulu wa mpolelwa umulandu wa maifyo itu, pakuti tungakululwa ku mukulo uu, uwipe. Wene wacisile cii, mu kuyela Leza witu ali Tata.

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

Efeso 6:12

Pano tusyakulwisya antu sile lelo tukulwisya mawene, mauteko, na maka yamfinzi amuno nsi nga ni mipasi yankota iya mulwelele.

Filipi 2:6

Nanti angala Wene lyonsi wali muli u Leza, 1lelo atelenginye ukuti angezya kupatikizya kulingana na Leza.

Kolose 1:15

Klistu unkolanya wakwe Leza wino atangaloleka. Wene ali yeli lyakwe nupya alusile viumbwa vyonsi.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

1 Timoti 1:11

Usambilizyo usuma ukazanwa mwi Landwe Lisuma lino Leza, uwa lulumbi nupya uwa kulumbanya wampile.

Tito 2:13

lino tucili tukulolela Wanda upolelelwe uno tukupaalila, lilyo lino lulumbi lwakwe Leza mukulu na Katuula witu Yesu Klistu lulaloleka.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Ayebulai 6:4

Pano uzye yao afutatila utailo wao yangaweziwa uli nu kuzenzuka? Yene yapisile mu luswepo lwakwe Leza, nupya yapokelile uwila kufuma kwiyulu nu kuyankanyako Mupasi Wamuzilo.

2 Petulo 1:19

Acino twasininkizya cuze ukuti ilandwe lino yakasema yakosozile lyene ilya cumi. Ndi mwasumba mano kunolili ale mwacita ningo, pano lyene likoline wi lampi lino likwaka nu kuyengesa mu cifulo cimwi mu mfinzi. Mulinzile kutwalilila kwikako mano kufika lino kwaca nga na lino namukokola watunka mu myenzo inu.

1 Yoane 2:11

Lelo wino wensi uwapata umwina wakwe wene ali mu mfinzi. Wene akapita mu mfinzi nupya atamanya kuno akuya, pano mfinzi yamupafuzya.

1 Yoane 2:8

Lelo isunde lino nkumulembela ndakai, lyene ilipya, pamulandu wakuti cumi caliko cikaloleka muli Klistu nga na munomuli. Pano mwati mulola ukuti mfinzi ikupita, nga nu luswepo lwa cumi nalo lwati lutandika mpiti kuyengesa.

1 Yoane 5:19

Twamanya ukuti sweswe yakwe Leza nanti angala insi yonsi ili pisika lya utesi wa Mwipe wilya.