2 Kolinto 4:2 - Amazwi Yakwe Leza 2013

² Swemo tusyacita vintu vya nsonyi vino vikacitwa mu nkama. Caleka tusyacita vya usomvi nanti kupililika Ilandwe lyakwe Leza. Leza ali kambone witu ukuti vino tukulanda vyene ivya cumi. Caleka antu yauze muli yakampingu yao yangasininkizya ukuti sweswe yakutailwa.

2 Kolinto 4:2 ပူးပေါင်းရင်းမြစ်များ

1 Yamwene 18:34

Lyene ayanena ati, “Swilizini nupya kwene.” Nayo ali vino yacita. Nupya kwene ayanena ati, “Swilizini iila lyakwe citatu, nga nayo yacita vivyo kwene iila lyakwe citatu.”

Loma 1:16

Pano nsi na nsonyi zya pi Landwe Lisuma, pano ali maka yakwe Leza akutuula wino wensi wataila, nkolelo ku Ayuda, nga nu ku Akulukuwa.

Loma 6:21

Uzye umuzano cii uno mwazanyile mukucita vintu vino ndakai vikumuletela insonyi? Ala icikafumamo, imfwa!

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

2 Kolinto 11:6

Nemo ntange ndande ndi vino yene yakalanda, lelo manyile vingi. Nupya twalondolola ningo kuno muli.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.

2 Kolinto 5:11

Twamanya vino cikasenula koopa Mwene, caleka tukaezya kukonkomezya yauze kucita cii. Leza watumanya mu ufumaluke, nupya nkupaalila vino mu myenzo inu naswe kwene mwatumanya.

2 Kolinto 6:8

Antu yakatucindika nupya yakatusaalula. Tukatukwa nga nu kutasiwa. Antu yakati sweswe ya ufi, lelo swemo tukavwanga cumi.

2 Kolinto 7:14

Namunenyile vino nkailumba pali vino mwaya, nga namwe mutandenga kuya uwa nsonyi. Ndi vino lyonsi tukulanda cumi kuno muli, avino cili pali vino nanenyile Tito ivya pali mwemwe.

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

Efeso 5:12

Nupya cili ica nsonyi cuze ukulanda pali vino antu yaa yakacita mu nkama.