2 Kolinto 4:15 - Amazwi Yakwe Leza 2013

¹⁵ Vii vyonsi vyacisilwe pamulandu winu, pakuti vino cikuku cikufika ku antu aingi vivyo kwene cikungilizya ntaizyo ku lulumbi lwakwe Leza.

2 Kolinto 4:15 ပူးပေါင်းရင်းမြစ်များ

Masamu 50:14

Ukuntaizya ne Leza, lekini akuno kuye impolelwa ya kuntuula, nu kufikilizya ulayo uno mukandaya ne Leza mukulu.

Masamu 50:23

Wiyo akantula impolelwa ya kuntaizya, aliwe akancindika. Wiyo akanjela, ali wino ne Leza ndatuula!”

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

1 Kolinto 9:19

Nemo nene muntungwa, nsi muzya wa muntu ali wensi. Lelo nati nja muzya wa antu yonsi pakuti ndonke antu aingi kuluta.

2 Kolinto 1:11

Mwemo mwatwika mu mapepo. Leza alaasuka mapepo inu aingi yano mukutupepela, nupya wene alatupolelela. Lyene na antu aingi yalataizya Leza pa kutupolelela.

2 Kolinto 8:19

Wene atamanyikwa sile lelo wasololwa na mauvi kuti apita naswe lino tukusenda uwila uu uno ulaleta lulumbi ku Mwene nga nu kulanga vino tukapaalila kwazwa.

Galatiya 1:24

Caleka yene yatasyanga Leza pamulandu wane.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

1 Timoti 1:14

Mwene witu wanguvwilile luse cuze. Nu luse kwene luu lusanda cuze nu kundetela utailo nu kutemwa muli Klistu.

2 Timoti 2:10

Acino nemo nkaposya muli vyonsi pamulandu wa antu asololwe yakwe Leza. Nemo nkacita cii kuti nao kwene Klistu Yesu ayatuule nu kupokelela lulumbi lwa manda pe.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

1 Petulo 4:11

Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.