2 Kolinto 4:14 - Amazwi Yakwe Leza 2013

¹⁴ pano twamanya ukuti Leza wino wazyukwile Mwene Yesu, naswe kwene alatuzyukula pamwi na Yesu nu kutufisya pa manso yakwe pamwi namwe.

2 Kolinto 4:14 ပူးပေါင်းရင်းမြစ်များ

Ezaya 26:19

Antu yako afwe, yalikala muno nsi apuma nupya ni vyala vyao vilakatuka. Yonsi yayo alala mu malindi yao, yalakatuka yalaumila nu tupundu. Pano wakwe vivi kwene vino ulumi lukayengesa, nu kuzukizya impanga, ali vino we Yawe ulatutulula afwile mpiti.

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

Milimo 2:24

Lelo Leza wamusapwile ku kuwaika kwa mfwa, wamuzyukwile kufuma ku afwe, pano imfwa yaposiwe kumucimvya.

Milimo 2:32

Lelo Leza wazyukwile Yesu kufuma ku afwe, naswe sweswe yakambone ya vintu vii.

Loma 8:11

Ndi Mupasi wakwe Leza, wino uwazyukwile Yesu kufuma ku afwe, akaikala munomuli, ale Leza wino uwazyukwile Klistu kufuma ku afwe alapeela umi ku mili inu iikafwa.

1 Kolinto 6:14

Leza wazyukwile Mwene kufuma ku afwe, nga naswe kwene alatuzyukula kupitila mu maka yakwe.

2 Kolinto 11:2

Nemo nkweti uzuwa pamulandu winu, wakwe vino Leza nawe akweti. Mukoline wakwe mwali musanguluke wino nalaya kumufumalizya ku muntu wenga sile. Muntu wiyo a Klistu umwisikulu.

Efeso 5:27

Wacisile cii kuti aleke iuvi liloleke ilyalulumbi nupya ilyamuzilo, ilyaula mulandu nanti iyala nanti mikwinya nanti ndema zyuze.

Kolose 1:22

Lelo ndakai kupitila mu mfwa ya Mwana wakwe yaku mwili, mwemo Leza wamucita kuya yacuza yakwe pakuti aleke muye amuzilo, asanguluke, nupya aula mulandu pa manso yakwe.

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

1 Tesalonika 4:14

Swemo twataila ukuti Yesu wafwile nga nupya wazyukwike. Caleka twataila ukuti cilaya cili cimwi kwene na kuli yao afwa nu utailo muli Yesu. Leza alayazyukula nu kayaleta pamwi na Yesu.

Yakobo 5:15

Ndi yataila lino yapepa ale mulwale alapoziwa. Mwene alamukatusya, nga nu kumwelela maifyo yano wacita.

Yuda 1:24

Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.