2 Kolinto 3:7 - Amazwi Yakwe Leza 2013

⁷ Masunde yalemvilwe pa vipampa vya mawe, nga lulumbi lwakwe Leza lwalolike lino yapilwe kuli Mose. Masunde yalenzile cinso cakwe Mose kuyengesa cuze cakuti aina Izlaeli yaposiwe kulolekesya penepo, nanti angala kuyengesa kwali mu kuzima. Ndi Masunde yano yakaleta imfwa, yapilwe nu lulumbi lwa musango uu,

2 Kolinto 3:7 ပူးပေါင်းရင်းမြစ်များ

Utandiko 3:21

Lyene Yawe Leza anyukila Adamu nu muci wakwe impapa ya nyama, nga ayazwika.

Neemiya 9:13

Wizile utentemukila apa Mwamba wa Sinai. Apano wemo wavwanzile ku antu yako ukufuma umwiyulu, nu kuyapeela amasunde alungame nupya ampomvu, ni vipope na malamulo asuma.

Masamu 119:174

Silola vino nkulukisya ufyusi wako, we Yawe! Nkazana uluzango umu masunde yako.

Masamu 119:97

Iye mwe, silola vino natemwa amasunde yako wakwe cimwi! Nkayelenganya uwanda onsi.

Kufuma 24:12

Yawe anena Mose ati, “Iza kwela mwamba kunondi, lyene wize walolela kuno kwene. Ndakupeela vipampa vya mawe yaili pano pali amasunde akusambilizya antu.”

Kufuma 31:18

Lino Yawe wamala kuvwanga na Mose pa Mwamba wa Sinai, apeela Mose vipampa vya mawe yaili, vivi kwene vino Leza umwisikulu walemvilepo amasunde ni ikasa lyakwe.

Kufuma 32:19

Lino Mose wafika pipi ni nsakwe nu kulola umwana wa ng'ombe nga na antu yakucina, asoka cuze cakuti asumba vipampa vya mawe vino vyali mu minwe yakwe vitamika. Cii cacitike mwisika ya mwamba.

Kufuma 34:1

Yawe nupya anena Mose ati, “Waza vipampa vya mawe yauze yaili wakwe yalya yaili akutandika nga nani ndalembapo amazwi yano yali pa vipampa vya mawe akutandika, vino watamile.

Milimo 6:15

Onsi ali mwi Tengo yalolekesya Sitivini, nga yalola vino usyu wakwe walolekanga kwati uwa mungeli.

Loma 10:4

Klistu ali kufikilizya kumalilike kwa Masunde yakwe Mose, pakuti wensi uwataila munoli, Leza akamucita kuya mololoke pa manso yakwe.

Loma 4:15

Kuntayela Masunde kukaleta ukali wakwe Leza! Lelo ukusi Masunde kutangaya kuntayela.

Loma 5:20

Masunde yapilwe pakuti antu yalole kuvula kwa maifyo. Lelo kuno maifyo yavula, cikuku cakwe Leza cavulilako kuluta.

Loma 7:10

nani nja wa mufwe. Masunde ali nu kundetela umi, yene yalesile imfwa kunondi.

Loma 7:22

Kwene mwenzo wane onsi ukazumilizya Masunde yakwe Leza.

Loma 7:5

Pano lino twikalanga mu untunze, Masunde yakatwisye vilondwa vya mili itu viipe nu kuleta imfwa.

1 Kolinto 13:10

Lelo lino cifumaluke cilaloleka, icisi cifumaluke cilalowa.

2 Kolinto 3:3

Cimanyike vino mwemwe muli kalata uwalembwa na Klistu wino watumilizye sweswe. Kalata wii atalembwa na inki, lelo walemvilwe na Mupasi wakwe Leza wa umi. Nupya atalemvilwe pa vipampa vya mawe lelo mu myenzo ya antu.

2 Kolinto 3:6

Aliwe kwene akatupeela maka akutumikila mu upangano upya. Upangano uu usi pa masunde yano alembwa, lelo pa Mupasi Wamuzilo. Masunde yano alembwa yene yakaleta imfwa, lelo Mupasi Wamuzilo wene akapela umi.

2 Kolinto 3:8

uzye lyene lulumbi lwa kuomba kwakwe Mupasi Wamuzilo lutalalusya?

Galatiya 3:10

Muntu akaikalilila mukuyela Masunde ala wene ali mu citipu. Pano calembwa mu malembelo cati, “Wino wensi asyayela pe vyonsi ivyalembwa mu lupapulo lwa Masunde ala wene umutipwe!”

Galatiya 3:21

Uzye cii cikusenula vino Masunde yasyazumilizyanya na malayo yakwe Leza? Awe, cisi vivyo! Pano antu ndi yapokelela Masunde angayapeela umi, ale lyene umuntu ali wensi angacitwa kuya mololoke pa manso yakwe Leza pakuyela Masunde.

Malango 4:13

Wene wamunenyile vino mulinzile ukucita apakusunga upangano uno wene wacisile namwe, ukuyela Amasunde Ikumi, yano walemvile pa vipampa vya mawe viili.

Malango 4:8

Kusi umutundu uze nanti onga, nanti ungakula uli, uno wakwata amasunde aulungami wakwe yao yano natimusambilizya apilelo.

Malango 5:22

“Yao ali masunde yano Yawe wamupeezile lino mwakongine mwensi pa mwamba. Lino wene wavwanzile ni zwi likalamba ukufuma mu moto nu mwi kumbi litifi, wene wapeezile amasunde yaa nga kusi nayauze. Alino lyene wayalemvile pa vipampa viili vya mawe nga ampeela.

Malango 9:15

“Acino nasenwike nu kutentemuka umwamba lino ucili pa moto, nga ni vipampa vya mawe ala vili mu makasa yane.

Ayebulai 12:18

Ku mwamba wa Sinai, uno uwakanga moto nupya uno mungakumya, akuno aina Izlaeli izile. Lelo mwemo mutiza kweneko, ukuli mfinzi, kufitulukila ni cipupu,

Ayebulai 3:3

Muntu wino akakuula ng'anda akapokelela mucinzi kuluta mucinzi wa ng'anda kwene iyo. Mu musango uli onga Yesu alinzile kupelwa mucinzi ukulu kuluta uno wapelwa kuli Mose.

Ayebulai 9:4

Muu umwali kavuwa kakwe zaabu pano yocelanga ubani. Mwali (Alaka) mbokosi ya upangano ino yapomilwe na zaabu monsi kwene. Nu mukasi mwisilwe musazi wakwe zaabu muno mwali mana, nsonzo yakwe Aaloni iyawalwile maluwa, nga ni vipampa vya mawe viili ivyalemvilwepo masunde.