2 Kolinto 3:18 - Amazwi Yakwe Leza 2013

¹⁸ Caleka mausyu itu yatavimbwa. Yakalanga kuyengesa kwa lulumbi lwa Mwene akatulenga kukolana nawe ndi vino cinso ca muntu cikaloleka mwi galasi. Mwene ali Mupasi akatusenula kuti tukolane nawe nu kuya nawe mu lulumbi.

2 Kolinto 3:18 ပူးပေါင်းရင်းမြစ်များ

Masamu 84:7

Amaka yao yakavulila kweneko iyasuka iyafika nuku Zioni ukukulolekela kuli Leza wakwe yaleza.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Yoane 12:41

Ezaya wavwanzile vii, pano waweni lulumbi lwakwe Yesu nga avwanga pamulandu na aliwe

Yoane 17:22

Nalenzile kuti yapokelele lulumbi, wakwe vino wemo wampile lulumbi, kuti yaye wenga ndi vino wewe nani twaya wenga.

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

Loma 12:2

Mutakolana na antu amu nsi mu miyele yao, lelo lekini Leza apindulule myenzo inu kuti myelenganyizizye inu iye ipya. Lyene mulaya na maka akumanya kulonda kwakwe Leza, mulamanya vintu visuma pamwi ni vikamuzanzya.

Loma 13:14

Lelo lekini Mwene Yesu Klistu aye pipi namwe wa visyangu vinu vino mukazwala. Tiini kusakamala musango wa untunze nu kuzanzya vilondwa vyauko.

Loma 8:29

Pano yano Leza wasolwile calimwi ayano wapaatula kuti yaye wa Mwana wakwe, pakuti Mwana aye iyeli lya ina aingi.

Loma 8:4

Leza wacisile cico pakuti vino Masunde yalondanga ukuti antu yacite vifikiliziwe ningo munotuli swe muno tusyalondela ivya untunze lelo tukatungululwa na Mupasi Wamuzilo.

Loma 8:7

Pano umuntu akaya umwanisi wakwe Leza ndi akutungululwa ni vilondwa vya mwili wakwe, pano wene asyayela Masunde yakwe Leza, nupya atangayela.

1 Kolinto 13:12

Ndakai tukulola vintu ciyeye kwati umwi lola. Lelo pa nsita iliiza tulalola cinso cakwe. Ndakai kumanya kwane kwa pali Leza kusi kufumaluke. Lelo lino insita iliiza kwene kulaya kufumaluke kwati kumanya kuno Leza wamanya nene.

1 Kolinto 15:49

Wakwe vino twakolana na Adamu, wino uwaumvilwe kufuma kwi vu, vivyo kwene tulakolana na Klistu, wino uwafumile kwiyulu.

2 Kolinto 3:17

Mwene ali Mupasi. Acino kuno Mupasi wa Mwene ali ukuli untungwa.

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

2 Kolinto 5:17

Lino umuntu wailundanya kuli Klistu, wene akaya ciumbwa cipya. Vyampiti vyasila, vyonsi vikaya vipya.

Galatiya 6:15

Cisi cimwi ndu muntu angasilamulwa nanti foo. Cikalamba ukuya nu umi upya.

Kolose 3:10

nupya mwati mwingila mu umi upya. Ndakai mukulunduluka mu kulolana na kaumba winu pakuti mumumanyikisye ningo mu ufumaluke.

1 Timoti 1:11

Usambilizyo usuma ukazanwa mwi Landwe Lisuma lino Leza, uwa lulumbi nupya uwa kulumbanya wampile.

Tito 3:5

wene watutuuzile. Citali apamulandu wa vicitwa visuma vino twacita, lelo apamulandu wa mizu yakwe umwisikulu acino watutuulile. Wacisile cii pa kutufula mu maka yakwe Mupasi Wamuzilo, wino uwatulenga kuvyalwa cipya cipya nu kutandika umi upya.

Yakobo 1:23

Wino wensi akauvwa mazwi kwaula kucita vino yakulanda, wene akoline wa muntu wino akalola mwi lola nu kuilola umwisikulu vino waya.

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.