2 Kolinto 3:14 - Amazwi Yakwe Leza 2013

¹⁴ Mu cumi mano yao yali muli kupi. Ni lelo kwene insalu ikayavimba lino yakuwelenga zya mu upangano wa mpiti. Insalu ingavimbuka sile lino muntu waya muli Klistu.

2 Kolinto 3:14 ပူးပေါင်းရင်းမြစ်များ

Masamu 69:23

Yapeele akafinzi apa manso, apakuti yatalolekesya, yaongoloke ni misana apakuti yaipenukila sile!

Ezaya 25:7

Apa mwamba kwene uu, ali pano alasisya ikumbi lya ulanda lino lyavimba antu amitundu yonsi, ilyafupilizya antu amu nko zyonsi.

Ezaya 44:18

Ala yatamanya nu kutezya nanti kamwi. Yene yazyata yasilola akantu nanti kamwi foo. Imyenzo yao nayo isiiluka.

Ezaya 56:10

Wayamanga ala akuti, “Intunguluzi zyonsi izyaya nu mulimo wa kusoka antu yane zyene impafu zitupu. Zitamanya nanti cimwi, zyakolana sile wakwe yasimbwa yano yasiwata, yano yikalila sile ukulala utulo nu kulota iviloto. Pasi pakutemwa ukuinyunza pano yalambalile.

Ezaya 59:10

Tukapulupunta sile wa mpafu. Ilanzi umutwe pakasi ala swemo tukupulupunta sile kwati watiwila, ungati tuli mu mpanga ya afwe umwafita fititi.

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

Yelemiya 5:21

sumbiniko amano, mwe antu atumpe nupya aulwa amano, mwemuno mwakwata amanso, lelo musilola nupya mwakwata amatwi, lelo mwemo musiuvwa.

Ezekelo 12:2

“We mwana wa muntu, wemo wikala pakasi ka antu yacisanguka. Yene yakwata amanso akulolelako, lelo yasilola. Yakwata amakutwi akuuvwilako, lelo yasiuvwa, pamulandu wakuti acisanguka.

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

Mateo 6:23

Lelo manso inu ndi yasi ningo, mili inu ilazulamo mfinzi. Caleka luswepo ululi munomuli ndi lwasenuka lwaya mfinzi, mfinzi iyo imaya ikulu cuze.

Yoane 12:40

“Leza watapafuzya manso yao, nu kukomya myenzo yao, pakuti manso yao yatalola nanti yakampingu yao iiluke, pano limwi yangiza kunondi ne Leza, nga nane njapozye.”

Yoane 12:46

Nemo niza wa luswepo lwamu nsi, kuti wino wensi wantaila atakikale mu mfinzi.

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

Milimo 13:15

Lyene pacisila ca kuwelenga mazwi amu lupapulo lwakwe Mose nga na zyakwe yakasema, intunguluzi zyamu ng'anda yamapepo zituma mazwi kunoyali ziti, “Ina itu, ndi muli na mazwi yamwi akukomelezya antu, vwangini.”

Milimo 15:21

Pano kufuma ku mpiti Masunde yakwe Mose yawelengwa pa manda aingi mu mang'anda ya mapepo cila Sabata, nga na mazwi yakwe yakakosolwa mu misumba yonsi.”

Milimo 16:14

Wenga wamuli yao atuvwile wali a Lidya uwafumile ku Tiatila, kakazya wa nsalu zyakwe cikuwe. Wali umwanaci uwapepanga Leza, nu Mwene wayuzile amano yakwe kuti auvwe kuli vino Paulo wavwanganga.

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

2 Kolinto 3:15

Ni lelo kwene lino Masunde yakwe Mose yakawelengwa, yakampingu ya ina Izlaeli yakavimbwa

2 Kolinto 3:6

Aliwe kwene akatupeela maka akutumikila mu upangano upya. Upangano uu usi pa masunde yano alembwa, lelo pa Mupasi Wamuzilo. Masunde yano alembwa yene yakaleta imfwa, lelo Mupasi Wamuzilo wene akapela umi.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Efeso 4:18

nupya myenzo yao yaya mu mfinzi. Yene yasikuma mu umi uno Leza akapela, pano yakomya imyenzo yao nupya yene atuutu.