2 Kolinto 2:3 - Amazwi Yakwe Leza 2013

³ Cino nkulonda kuya nu luzango apamulandu wakuti namwe kwene muye nu luzango. Nalemvile kalata pano ntalondanga kumutandalila nu kundenga kuvwa ulanda, mucifulo cakuti mwemwe mulinzile kundenga kuya nu luzango.

2 Kolinto 2:3 ပူးပေါင်းရင်းမြစ်များ

1 Kolinto 4:21

Uzye icani cino mukulonda nkacite lino ndiza? Uzye mukulonda nkize nkamufulule nanti nkize nu mwenzo wa kutemwa nu ufuke?

2 Kolinto 1:15

Nasininkizye cuze pa cilumba cino mwakwata muno tuli cakuti nakweti pange lya kumutandalila nkolelo yakwe vyonsi. Mu musango uu, amuno mungapolelelwa naswe maila yaili.

2 Kolinto 1:23

Leza ali kambone uwamanya mwenzo wane vino pa kukana mucuzya acino ntizile ku Kolinto.

2 Kolinto 12:11

Nacitanga vintu kwati nene mutumpe. Lelo mwemwe mwandenzile kucita vii, pano mwange mulande visuma vya pali nene. Pano nanti angala nemo nsi cimwi, lelo ntacepa kuluta pa atumwa inu yano mukati yacindamisya.

2 Kolinto 12:21

Nkoopa kuti lino ndiza limwi Leza alandenga kuya ni nsonyi pa manso inu, ndalonda kulila pano aingi muno muli aifizye mpiti nupya yatazenzwike ku vya winyi vyao, imbunu nga nu uzelele wao.

2 Kolinto 13:10

Nkulemba vintu vii kuno muli lino ntali mfike kuno muli. Cili pamulandu wakuti nemo ntaya na kasokonda kuno muli apa kuomvya maka yano Mwene wampela. Napiilwe maka yaa pakuti nazwe mwemwe kuluta kuti monone.

2 Kolinto 2:9

Nalemvile kalata wiya kuti nezye kumanya ndi mukaposya mu mezyo nupya ndi munganjela muli vyonsi.

2 Kolinto 7:12

Lino nalemvile kalata, asi pamulandu wakupeela mulandu kuli wiyo uwaluvyanyizye nanti kuvwangila muntu wino wifizye. Nalemvile kalata kuti Leza amulange paswe kusakamala kuno mwatusakamala.

2 Kolinto 7:16

Mu cumi nemo ndi nu luzango pa kumanya vino ningemelela muno muli.

2 Kolinto 7:6

Lelo Leza akakomelezya antu atonte myenzo nupya watukomelizye lino watumile Tito kuno tuli.

2 Kolinto 7:8

Pano nanti angala kalata wane wamulenzile kuya nu ulanda, ntakuuvwa ui wakuti nalemvile. Nkolelo nuvwile ui lelo ndakai cisi vivyo. Manyile vino mazwi amuli kalata wiyo yamucisile panono.

2 Kolinto 8:22

Nupya tumatuma mwina witu mu utailo namuze pamwi na Tito. Wene twamusininkizya ningo. Mu cumi twalola maila aingi ukuti wene akulonda kwazwa. Na ndakai kwene acili akulonda kwazwa yauze nu kuluta, pamulandu wakuti mwemo wamutaila cuze.

Galatiya 5:10

Nemo mu Mwene ncili nkutaila vino mwemo mutalazumila lango lyuze ilipusane ni lyakwane. Lelo muntu akumuvulunganya alavunukwa na Leza.

2 Tesalonika 3:4

Mwene akatulenga kuntatwisika mwemwe. Mwemo mucili mukucita nupya mukatwalilila kucita vino tukamunena.

Filimoni 1:21

Nemo, lino nkulemba, nkusininkizya ukuti wemo ulacita vino nuzya kuti ucite, nupya manyile ukuti ulacita nu kuluta.