2 Kolinto 13:11 - Amazwi Yakwe Leza 2013

¹¹ Ndakai, inane, nkuti tukateni! Mupikintike kuya afumaluke. Uvwini kupapata kwane. Ezyini kuzumilizyanya nga nu kwikala mu mutende pakasi kinu. Leza ali ntulo ya kutemwa nu mutende, aye namwe.

2 Kolinto 13:11 ပူးပေါင်းရင်းမြစ်များ

Utandiko 37:4

Lino aina yalola ukuti isi watemwa Yosefu ukuyaluta, yene pasipakumupata, iyata nu kuvwanga ningo nawe.

Utandiko 45:24

Lyene anena aina yakwe kuti yapita, nga lino yatiyakatuka avwanga kunoyali ati, “Mutalemanila mu nzila.”

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Mateo 5:48

Caleka mwemo muye afumaluke ndi vino So uwa mwiyulu waya umufumaluke.

Mako 10:49

Yesu aimilila avwanga ati, “Mwamini.” Caleka yama impafu yati, “Teku mwenzo! Katuka, akukwama.”

Mako 9:50

“Umusilya uusuma, lelo ndi wazunduka uzye nupya ungaukalifya uli? Uwikazi winu uye kwati ucemekwe nu musilya nga muye nu mutende pakasi kinu.”

Luka 9:61

Na muze kwene ati, “Mwene, namakulondela, lelo leka ntale mpite nkapakasye aku ng'anda yane.”

Yoane 17:23

Nemo nao tuye wenga, nga wewe nani tuye wenga, kuti yaye afumaluke muli uwenga. Na kuti antu amu nsi yamanye vino wewe wantumile nga nu kuti wayatemwa ndi vino nani wantemwa.

Milimo 15:29

mutalya vyakulya ivyapeelwa ku tuluwi, mutalya uwazi. Mutalya inyama zinyongwe. Muisunge ku ulalelale. Muli nu kucita ningo ndi cakuti mwaisunga ku kuntacita vintu vii. Mwikale ulumi.”

Milimo 18:21

Apa kupita lino akuyapakasya, ayanena ati, “Ndawela nupya kunomuli, ndi Leza akasi.” Alino apatama mu wato, afuma ku Efeso.

Milimo 23:30

Lyene lino iyanena ukuti Ayuda yamwi yumine kapi kuti yamukome, inelenganya ukuti imutume kunuli. Nati nena na yao akumulongwela kuti yakize yakamusinile pali wewe!”

Loma 12:16

Mwasakamalana, mutaitumika lelo mwazumila ukuombela na antu yasilesile. Mutailola kuya a mano.

Loma 12:18

Citini vyonsi vingacitwa pakuti mwikale mu mutende na antu onsi.

Loma 14:19

Caleka tulinzile kwezya kwikala mutende nu kwazwana kukwata utailo ukome.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Loma 15:33

Leza ali ntulo ya mutende, aye namwe mwensi. Ameni.

Loma 16:20

Na Leza ali ntulo ya mutende, alavungola Ciwa apisika ya ngazo zinu. Cikuku ca Mwene witu Yesu Klistu ciye namwe.

1 Kolinto 1:10

Inane mwi zina lya Mwene witu Yesu Klistu nkumupapata mwensi, kuti, mwazumilizyanya muli vino mwalanda, pakuti kutaya kupaatukana munomuli. Muye alemane cuze a mwenzo onga na melenganyo ali yamwi.

2 Kolinto 1:4

Wene akatwazwa mu ntazi zitu zyonsi, pakuti naswe tungaya na maka akwazwa antu yauze yano akweti intazi zya misango yonsi, tula tukuomvya kutekeziwa kuli kumwi kuno twapokelela kufuma kuli Leza.

2 Kolinto 13:14

Cikuku ca Mwene witu Yesu Klistu, nu kutemwa kwakwe Leza, nu utandano wakwe Mupasi Wamuzilo viye namwe mwensi.

2 Kolinto 13:9

Nanti angala tuli nu utonte, tuli ni nsansa pano mwemwe yakome, nupya tukupepa kuti muye afumaluke.

Efeso 4:12

Lyene antu yakwe yalasambilila kutumikila nga nu mwili wakwe Klistu nao ukomeleke.

Efeso 4:3

Ezyini kuombesya na maka mu kuleka Mupasi wakwe Leza amulundanye myenzo. Mwacita cii mukwikala mu mutende.

Efeso 6:23

Mutende nu kutemwa nga nu utailo vipelwe ku ina Klistu kufuma kuli Leza Tata nu Mwene Yesu Klistu.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Filipi 3:16

Nanti cingaya vivyo, lekini swemo twaya nkolelo kulingana nu utantiko uno twalondela kufika na ndakai.

Filipi 4:2

We, Yuodia na Sintinke, nkumupapata kuti mwauvwana pano mwemwe yamangu aina mu Mwene.

Filipi 4:4

Mwazanga mu Mwene. Nupya kwene nkuti mwazanga!

Filipi 4:9

Mwacita vino mwasambilila kufuma kunondi, vyonsi vino navwanzile na vino mwaweni nkucita. Alino Leza wino akatupeela mutende, alaya namwe.

1 Tesalonika 3:10

Musanya nu usiku mu cumi tukapepa kuti tuce tulole mwemwe nu kumwazwilizya kukomya utailo winu kuluta.

1 Tesalonika 4:1

Pa kumalila, mwe ina itu, mwemo mwasambilile kunotuli pali vino mulinzile kwikala pakuti muzanzye Leza. Endi, vivyo kwene avino mukaikala. Lyene ndakai mwi zina lya Mwene Yesu tukumupapata nu kumukonkomezya kucita cili conga nu kuluta.

1 Tesalonika 4:18

Caleka, lyene mwakomelezyanya mu mazwi yaa.

1 Tesalonika 5:13

Kunoyali mwalanga mucinzi nga nu kutemwa kukulu kuluta pamulandu wa mulimo uno yakaomba. Mwaikala mutende pakasi kinu.

1 Tesalonika 5:16

Muye nu luzango lyonsi,

1 Tesalonika 5:23

Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.

2 Tesalonika 2:16

Mwene witu Yesu Klistu, na Leza Tata wino watutemwa, nupya mu cikuku cakwe watupeela ukomelezyo nu upaalilo,

2 Tesalonika 3:1

Mukusyalikizya, mwe inane, mwatupepelako. Cii cilazwilizya kusalanganya zuwa Ilandwe lya Mwene nga nayauze nao yalipokelele nu mucinzi. Wakwe vino mwemo mwacita.

2 Tesalonika 3:16

Mwene wino ali intulo ya mutende umwisikulu amupeela mutende nsita zyonsi mu musango uli onsi. Mwene aye namwe mwensi.

2 Timoti 2:22

Fumako ku matunko yano ance yakaponelamo, nupya uwalwisya kucita vyawololoke, kuya nu utailo, kutemwa, nga nu mutende. Wacita cii pamwi na yao aswepa myenzo, nupya yano akalenga Mwene kuti ayazwe.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

Yakobo 1:4

Musininkizye ukuti utailo winu watwalilila kwaula kutonta, pakuti mukule, muye afumaluke, antu atulilwa cimwi.

1 Petulo 3:11

Wene alinzile kuzenzuka ku viipe, atandike kucita visuma. Nupya alinzile kucita vya kuleta mutende nu mwenzo wakwe onsi.

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

Umbwilo 22:21

Cikuku ca Mwene Yesu ciye namwe mwensi.