2 Kolinto 12:6 - Amazwi Yakwe Leza 2013

⁶ Ndi nalondanga kuitumika, ntangaya mutumpe, pano ale nemo nkulanda cumi. Lelo nemo ntalezya kuitumika, pano ntakulonda muntu nanti umwi anjelenganya kuluta pa cipimo ca vintu vino mwalola nkucita nu kuvwanga.

2 Kolinto 12:6 ပူးပေါင်းရင်းမြစ်များ

Yobo 24:25

Uzye umwi angakana ukuti avino cikaya? Aweni angansinila ukuti nkuvwanga ivyantumpu?”

Loma 9:1

Nene wakwe Klistu, nkuvwanga cumi, nupya nsikutumpoka. Na kampingu wane wino Mupasi Wamuzilo akatungulula ali kambone wane. Caleka nsikutumpoka apa kuvwanga ukuti,

1 Kolinto 3:5

Uzye Apolo aweni? Uzye Paulo aweni? Sweswe aomvi sile yakwe Leza, yao amwazwilizye kuti mutaile. Cila wenga uwa munotuli akaomba mulimo uno Leza wamupile kuti acita.

2 Kolinto 1:18

Leza angatailwa, nga nani kwene ningatailwa, lino nalanda ukuti kwasuka kwitu kuno muli lyonsi ukwakuti “Ee” lelo asi “Awe”.

2 Kolinto 11:16

Nkuswilizya kulanda ukuti muntu nanti umwi atalinzile kwelenganya ukuti nene mutumpe. Lelo ndi mwacita vivyo, ale cingazipa mumpokelele wa muntu mutumpe, pakuti ni ngaitumika panono sile.

2 Kolinto 11:31

Leza Isi wa Mwene witu Yesu, alumbanyiwe manda pe. Nupya wene amanyile ukuti nsyakutumpoka!

2 Kolinto 12:11

Nacitanga vintu kwati nene mutumpe. Lelo mwemwe mwandenzile kucita vii, pano mwange mulande visuma vya pali nene. Pano nanti angala nemo nsi cimwi, lelo ntacepa kuluta pa atumwa inu yano mukati yacindamisya.

2 Kolinto 12:7

Lelo pakuti ntaitutumula pamulandu wa vintu vingi vyakuzunguka vino vyaumbwilwe nu Mwene kunondi, Leza wampile ca kuntota ca munga mu mwili wane icili wa nkombe yakwe Satana ino wazumilizye kwiza nguma.

2 Kolinto 5:13

Ndi twaloleka avulungane ale pamulandu twacindika Leza. Lelo ndi twaloleka amano ale pamulandu wakumwazwa.

2 Kolinto 7:14

Namunenyile vino nkailumba pali vino mwaya, nga namwe mutandenga kuya uwa nsonyi. Ndi vino lyonsi tukulanda cumi kuno muli, avino cili pali vino nanenyile Tito ivya pali mwemwe.