2 Kolinto 12:4 - Amazwi Yakwe Leza 2013

⁴ Kuku akuno uvwile vintu vino vitangalondololwa, vintu vino muntu atangazumiliziwa kulanda.

2 Kolinto 12:4 ပူးပေါင်းရင်းမြစ်များ

Ezekelo 31:9

Nene nauyemvizye apakuuvuzizya imisambo, nga acino ni miti yuze yamu Edeni, calo cakwe Leza ikuuvwila ulozo.

Ezekelo 8:3

Watambalike icali wikasa, andema nu kunyele zyane. Alino Umupasi iunkatusya umupela apakasi kansi ni yulu umu vilolwa vyakwe Leza, nu kuntwala uku Yelusalemu uku mulyango wa mpongolo ya mukasi, iyalolenkana uku katutu, pano akaluwi ka uzuwa kimikwa, kano kakalenga nu uzuwa uyeko.

Luka 23:43

Yesu nawe amunena ati, “Nakunena vino ilelo kwene umaya nani mu Paladaise.”

Milimo 8:39

Lyene lino wafuma mu manzi, Mupasi wa Mwene usenda Filipo. Mutungwi nawe atamuweni nupya, lelo atwalilila nu lwendo lwakwe, azanga cuze.

1 Kolinto 13:1

Ningakwata maka akulandila mu ndimi zya antu nga ni zya angeli kwene. Lelo ndi ntakweti kutemwa, ale kulanda kwane kuli wa kulila kwa cela nanti wa nsawa.

2 Kolinto 12:2

Namanya muntu umwi umwina Klistu wino pa myaka ikumi na ini ino yapita wasenzilwe kupela kwi yulu lyalenga yatatu. Ntamanyile ndi wasenzilwe mu mwili nanti foo. Leza sile awino amanyile ningo.

1 Tesalonika 4:17

Lyene swemo, swe muno tulaya aumi pa nsita ilya, tulasendwa pamwi nao mwiyulu mupela mu makumbi ku kukomanya Mwene. Alino kufuma pa nsita ilya tulaya pamwi nu Mwene lyonsi pe.

Umbwilo 12:5

Lyene umwanaci avyala umwana monsi, wino walinga kuteeka inko zyonsi ku nsonzo ya cela. Lelo mwana yamusompola yamusenda kuli Leza nu kumwika pa cilimba cakwe ca wene.

Umbwilo 2:7

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela nsambu yakulya vizao vya ku muti uno ukapeela umi, uwaya ku Paladaise yakwe Leza mwiyulu.”