2 Kolinto 12:21 - Amazwi Yakwe Leza 2013

²¹ Nkoopa kuti lino ndiza limwi Leza alandenga kuya ni nsonyi pa manso inu, ndalonda kulila pano aingi muno muli aifizye mpiti nupya yatazenzwike ku vya winyi vyao, imbunu nga nu uzelele wao.

2 Kolinto 12:21 ပူးပေါင်းရင်းမြစ်များ

Ezila 10:1

Lino Ezila acili akupepa nu kuilongwela amaifyo yakwe, ala akulila nu kuisumba pansi inkolelo ya Ng'anda yakwe Leza, iumba likulu lya ina Izlaeli aonsi, na anaci na ana yao yamuunganila. Nayo kwene yalila aminsozi nu ulanda ukulu cuze.

Ezila 9:3

Lino nuvwile vii, alino ndepola vyakuzwala vyane nu mwingila wane kwene pamulandu wa nsonyi. Lyene mpela ni nyele ku mutwe wane kumwi ni vilezu kwene nga nikala pansi ulanda ulanda.

Masamu 119:136

Aminsonzi yakufomfomoka sile umu manso yane, apamulandu wakuti antu yasiyela amasunde yako.

Kufuma 32:31

Lyene Mose aswilila kuli Yawe aya avwanga ati, “Antu yaa, yatiyacita iifyo lipe cuze. Yene yaipangila leza wakwe zaabu nu kumupepa.

Yelemiya 13:17

Ndi cakuti mwemo musyakumuvwa, nemo ale namalililanga mu umfisolo. Apamulandu wa vilumba vinu, namalilisya wakwe cimwi cakuti na misonzi yamalukutanga. Apamulandu sile wakuti antu ya Mwene yatiyasendwa mu uzya.

Yelemiya 9:1

Cange cizipe umutwe wane iwuya cifula ca manzi, na manso yane yaye akafukoka ka minsozi, apakuti antu yane yano yakomola, injalosye usiku nu musanya.

Loma 13:13

Caleka twapita ningo ndi vino antu yakacita musanya. Tutaya mu nsaka zya kuwowota nanti kuya akolesi, nanti kucita vya winyi, nanti ukakasi, nanti lwete, nanti uzuwa.

Loma 9:2

mwenzo wane ukunyunguluka nupya ndi nu ulanda ukulu cuze pamulandu wa inane, antu amu luko lwane.

1 Kolinto 5:1

Ndakai, cikuvwika vino munomuli, muli ulenzyo uwipisye cuze kuluta uno antu atataila yakacita. Nuvwa ukuti umuntu akamanyana nu muci wakwe isi!

2 Kolinto 10:6

Lyene lino mwamuyela cuze, naswe tulavunuka muntu ali wensi wino akakana kuyela.

2 Kolinto 12:7

Lelo pakuti ntaitutumula pamulandu wa vintu vingi vyakuzunguka vino vyaumbwilwe nu Mwene kunondi, Leza wampile ca kuntota ca munga mu mwili wane icili wa nkombe yakwe Satana ino wazumilizye kwiza nguma.

2 Kolinto 13:2

Nemo nasokile yao aifizye nkolelo nga nayauze asyala, nupya nkuswilizya kuyasoka lino nsi pamwi nao ndi vinonayasokile lino nali nao pa kuyatandalila iila lyakwe cili, ukuti lino ndiza nupya ntalayapanya.

2 Kolinto 8:24

Mulange kutemwa kwinu kuno yali, pakuti mauvi yonsi yasininkizye cii, vino tukuitumika pali mwemwe.

Galatiya 5:19

Vintu vino untunze ukacita vyene vyamanyikwa pa swe. Vyene vikaloleka mu vicitwa vya winyi, vikowele nga ni vya nsonyi,

Malango 9:15

“Acino nasenwike nu kutentemuka umwamba lino ucili pa moto, nga ni vipampa vya mawe ala vili mu makasa yane.

Malango 9:25

“Nemo naponyile pansi ala mfupime pa manso yakwe Yawe pa manda yalya amakumi yani, musanya nu usiku, pamulandu wakuti namanyile ukuti wene wavwanzile vino ali nu konona mwemwe.

Kolose 3:5

Mutaleka mili inu yamutungulula. Mulinzile kukoma vilondwa viipe vya mwili vino vikuomba munomuli, wakwe vii, kulongozya, vya winyi, nsuna, cipyu, lwiswa (pano lwiswa u musango wa upefi wa tuluwi.)

Ayebulai 13:4

Ing'anda ilinzile kucindikwa na antu onsi. Yaiya na Aci yalinzile kutailana. Leza alapingula yao akacita uzelele na yao akacita ulenzyo.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

Yuda 1:23

Tuulini nu kusompola yamwi yataponela mu moto. Na kuli yamwi Muye na mizu nga ni ntetepo. Lelo sokini miyele yao ni vizwalo vyao kwene ivyakoweziwa ni vya lunkumbwa lwao lwipe.

Yuda 1:7

Iusyini Sodoma na Gomola, nga ni misumba iyazingulwike muno antu yaitumfile mu vyawinyi. Yene yaya icilangililo kuli yonsi ca uvunuko waku moto wape.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Umbwilo 22:20

Wino akupeela umboni wakwe kuli vii vyonsi akuti, “Endi! Nkwiza zuwa!” Ameni! Iza Mwene Yesu!

1 Samueli 15:35

Samueli yatatazile nupya iyalolana na Saulo, mpaka sile ukufika pa wanda wa kufwa kwakwe, nanti angala Samueli wamuvwilile ulanda, pamulandu wakuti Yawe walangulwike cino wamucisile ukuya umwene wa ina Izlaeli.