2 Kolinto 12:20 - Amazwi Yakwe Leza 2013

²⁰ Nkoopa kuti lino ndiza limwi ndazana kuti miyele inu ipusane na vino ningatemwa kuti iye, nupya nkoopa kuti limwi namwe kwene mulazana kuti miyele yane ipusane na vino mungatemwa kuti iye. Nkoopa kuti limwi ndazana kulemanila, uzuwa, cipyu, kuitemwa, musaalula, lwambo, cilumba, cimvulunganya muno muli.

2 Kolinto 12:20 ပူးပေါင်းရင်းမြစ်များ

Masamu 41:7

Yonsi yano yampata, yikalila sile ukutotozana, nu kuntunganya muli vyuze vyuze.

Mapinda 16:28

Umuntu mwipe akatovya ulwete, nu walwambo akatanya yacuza.

Loma 1:29

Myenzo yao yazulamo uyi wa misango yonsi wakwe vii, ukakasi, kuitemwa, lupato, uzuwa, utazi wa katwe, lwete, ufi, lufyengo, lwambo,

Loma 1:30

yaya alunya, asoka Leza, a cilumba, a mataki, akayuvwa, yene yakalondelezya inzila zipya zyakucitilamo viipe, asyayela akwasi,

Loma 2:8

Lelo antu akaitemwa, nu kukana kucita vya cumi akacita vino vitaine, yene yalazombola cipyu nu ukali wakwe Leza.

1 Kolinto 1:11

Pano antu yamwi kufuma ku amu ng'anda yakwe Koloe yatiyanena paswe ukuti pakasi kinu pali kulemanila.

1 Kolinto 14:33

Pano Leza asyalonda cimvulunganya, suka sile kuvwana nu mutende. Ndi vino caya mu mauvi yonsi ya antu yakwe Leza,

1 Kolinto 5:2

Uzye lyene mungaitumika uli? Mulinzile kuvwa ulanda pa cintu cii, nu kuzinga umuntu wiyo mu utandano, wino uwacita cintu cii.

2 Kolinto 1:23

Leza ali kambone uwamanya mwenzo wane vino pa kukana mucuzya acino ntizile ku Kolinto.

2 Kolinto 10:2

kuti mutace mumpatikizye kuya na kasokonda kuno muli lino ndiza. Pano nati nsininkizya ukuti ningaya na kasokonda kuli yao akati swemo tukacita vintu mu mapange ndi muno amu nsi yakacitila.

2 Kolinto 10:6

Lyene lino mwamuyela cuze, naswe tulavunuka muntu ali wensi wino akakana kuyela.

2 Kolinto 12:21

Nkoopa kuti lino ndiza limwi Leza alandenga kuya ni nsonyi pa manso inu, ndalonda kulila pano aingi muno muli aifizye mpiti nupya yatazenzwike ku vya winyi vyao, imbunu nga nu uzelele wao.

2 Kolinto 13:2

Nemo nasokile yao aifizye nkolelo nga nayauze asyala, nupya nkuswilizya kuyasoka lino nsi pamwi nao ndi vinonayasokile lino nali nao pa kuyatandalila iila lyakwe cili, ukuti lino ndiza nupya ntalayapanya.

2 Kolinto 2:1

Caleka nemo nasolwile ku ntiza kuno muli nupya kuti ntamulenga muvwe ulanda.

Galatiya 5:15

Lelo ndi micitile inu yaya wa micitile yanyama, kulwisyanya nu kucisana, mucenjele pano limwi mungasila kuyonona.

Galatiya 5:26

Tutalinzile kuitutumula nanti kusosyanya nanti kuzuwilana.

Yakobo 4:11

Mutapelana milandu, inane. Wino wensi akapeela mwina Klistu muze mulandu nanti kumupingula, ala wene akusula masunde nu kwezya kuyapingula.

1 Petulo 2:1

Lyene fumini viipe vyonsi munomuli. Mutatumpoka, mutacita usomvi, kuya nu uzuwa, nanti kutukana.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

Yuda 1:16

Antu yaa, yakailizyanya lyonsi nu kutwika auze milandu. Yene yakalondela vya lunkumbwa vyao viipe. Yakaitutumula nga nu kucindika auze mwi syente kuti yazanilemo muzano.