2 Kolinto 12:19 - Amazwi Yakwe Leza 2013

¹⁹ Limwi mukwelenganya ukuti lyonsi lii swemo twezyanga kuicingilila sweisikulu pa manso inu. Awe! Swemo tukalanda ndi vino Klistu akalonda kuti twalanda pa manso yakwe Leza. Yakundwe itu, vyonsi vino tukacita ivyakuti vimwazwe.

2 Kolinto 12:19 ပူးပေါင်းရင်းမြစ်များ

Loma 12:19

Mutalandula, mwe yacuza yane, lelo lekini Leza aliwe acite cilanduzi. Pano calembwa mu malembelo vino Leza wati, “Ndalandula, nupya ndayawezezya vicitwa vyao.”

Loma 14:19

Caleka tulinzile kwezya kwikala mutende nu kwazwana kukwata utailo ukome.

Loma 15:2

Lelo cila muntu aezya kuzanzya mwina atali akome pakuti akomelezye utailo wakwe.

Loma 9:1

Nene wakwe Klistu, nkuvwanga cumi, nupya nsikutumpoka. Na kampingu wane wino Mupasi Wamuzilo akatungulula ali kambone wane. Caleka nsikutumpoka apa kuvwanga ukuti,

1 Kolinto 10:14

Acino mwe yacuza akundwe, leukini ku kupepa tuluwi.

1 Kolinto 10:33

Mwacita sile ndi vino nani nkacita, kwezya kuzanzya antu yonsi muli vyonsi vino nkacita, kwaula kuyelenganyizizya visuma nemwisikulu, lelo visuma vya kwazwa yauze pakuti yangatuulwa.

1 Kolinto 14:26

Inane, lino mwakongana ku kupepa, vii avino cilinzile kuya, umuntu umwi akwimba umwi asambilizya, umwi aumbula vino Leza wamunena, umwi alanda mu ndimi zitamanyika umwi nawe alondolola vino mazwi amu cilimi cico yakusenula.

2 Kolinto 10:8

Manye nemo nati njitumika cuze pamulandu wa maka yano Mwene wampela akuti mwazwe kwaula kumucisa. Lelo ntakuzewana pamulandu wa kuitumika.

2 Kolinto 11:10

Ndi vino cumi cakwe Klistu cili munondi, nkulanda vino, kusi muntu nanti umwi mu Akaya wino angandesya kuitumika pali cii.

2 Kolinto 11:31

Leza Isi wa Mwene witu Yesu, alumbanyiwe manda pe. Nupya wene amanyile ukuti nsyakutumpoka!

2 Kolinto 12:15

Acino nemo ndapela ni nsansa vyonsi vino nakwata pamwi nu umi wane. Namutemwa cuze, uzye lyene mwemo mumantemwa panono?

2 Kolinto 13:10

Nkulemba vintu vii kuno muli lino ntali mfike kuno muli. Cili pamulandu wakuti nemo ntaya na kasokonda kuno muli apa kuomvya maka yano Mwene wampela. Napiilwe maka yaa pakuti nazwe mwemwe kuluta kuti monone.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.

2 Kolinto 3:1

Uzye twatandika nupya ukuitumika? Uzye naswe wa antu yauze tukulondekwa kuya na makalata akutulondola kuno muli nanti makalata akufuma kuno muli akutulondola.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Filipi 4:1

Caleka, mwe inane nupya akundwe yane, nkulondesya ku mulola. Endi, lolini vino mukanzanzya, na vino nemo nkaitumika pamulandu winu. Nkumupapata kuti muye azyansye mu Mwene.

1 Tesalonika 5:11

Acino mwakomelezyanya nu kwazwana, wakwe vino ndakai mukucita.

Ayebulai 6:9

Mwe yacuza akundwe, nanti tukulanda mu musango uu, twati tusininkizya ukuti mwemo mukucita visuma vino antu yakacita vya kuyatungulula ku ufyusi.