2 Kolinto 11:29 - Amazwi Yakwe Leza 2013

²⁹ Lino umwi ali nu utonte, nani kwene nkaya nao. Lino yamwi yaponela mu kwifya, nani nkauvwa ulanda.

2 Kolinto 11:29 ပူးပေါင်းရင်းမြစ်များ

Mateo 11:6

Alongo ayao asikuntwisika.”

Yoane 2:17

Alondezi yakwe iusya vino calembwa mu malembelo cati, “Kucincila kwane kwa pa ng'anda yako ukulandya.”

Loma 12:15

Muzange pamwi na yao akuzanga, losyini pamwi na yao akulosya.

Loma 15:1

Swe muno twakoma mu utailo twaazwilizya yano atali yakome pakuti yaposya mu macuzi yao. Tutacita vyakutuzanzya sweisikulu.

1 Kolinto 11:22

Uzye mutakwata ku mwinu ku mang'anda kuno mungalya nu kumwa? Nanti uzye mukusula iuvi lyakwe Leza nu kucita antu aulizya insonyi? Uzye cani cino mwemo mukupaalila kuti munene pamulandu wakwe cii? Uzye namamutasya? Awe, ntange mutasye!

1 Kolinto 12:26

Ndi cilundwa conga ca mwili cacula, ni vilundwa vyuze navyo vikaculila pamwi naco. Ndi cilundwa conga ca mwili catasiwa, ni vilundwa vyuze navyo vikakumako ku luzango lwakweco.

1 Kolinto 15:36

Muwelewele we! Lumbezu luno wakomela lutangamela, suka lutale lufwe.

1 Kolinto 8:13

Caleka, ndi cakulya cii cingalenga mwinane kupumika ale lyene ntalatala ndye inyama nupya, pakuti ntalenga mwinane apone.

1 Kolinto 8:9

Lelo mucenjele nu untungwa winu uo pa kucita vintu, pano ungaya cisiki cakuponya atonte asi nu utailo ukome.

1 Kolinto 9:22

Lino ndi pakasi ka antu yano utailo wao utonte, nani kwene nkaikala ndi vino yaya, pakuti njalonke. Caleka nkacita consi cingacitwa pakuti ntuule yamwi munoyali.

2 Kolinto 13:9

Nanti angala tuli nu utonte, tuli ni nsansa pano mwemwe yakome, nupya tukupepa kuti muye afumaluke.

Galatiya 2:14

Lelo lino naweni ukuti cino yacita citaine ni cumi icaya mwi Landwe Lisuma, nakalipile Petulo inti, “Petulo, wemo wewe Muyuda. Lelo ukaikala wa Mukulukuwa, asi wa Muyuda. Uzye lyene, ungapatikizya uli Akulukuwa kuti yaikala wa Ayuda?”

Galatiya 6:2

Mwaazwana kusenda visendo, nga mu musango kwene uu, mukaayela Masunde yakwe Klistu.

Umbwilo 2:2

Namanya vino ukacita. Namanya kuomba kuno waombisye nga nu kuteeka umwenzo. Namanya ukuti wemo utangazumilizya yakaifya nga nupya wemo wezizye yao akati yene atumwa lino yasivyo. Lelo wayezya wazana ukuti yene antumpu.

Umbwilo 2:20

Lelo nkuilizyanya pali cii cakuti ukazumilizya Yezebele mwanaci wino akailanda umwisikulu ukuti wene inkombe yakwe Leza. Wene akaomvya usambilizyo wakwe pa kuponzya aomvi yane kuti yalongozya nu kulya vyakulya vyapeelwa ku tuluwi.