2 Kolinto 11:28 - Amazwi Yakwe Leza 2013

²⁸ Kulunda pali vii, cila wanda nkaya ni cisendo, nupya nasakamikwa cuze pamulandu wa mauvi onsi.

2 Kolinto 11:28 ပူးပေါင်းရင်းမြစ်များ

Milimo 15:36

Pacisila ca manda yamwi Paulo anena Banaba ati, “Katuswilile tukatandalile aina itu mu mizi yonsi muno twakosozile mazwi ya Mwene, nu kulola miyele yao vino ili.”

Milimo 18:23

Pacisila ca kwikala kweneko pa nsita imwi, afumako, aya ku mpanga ya Galatiya nga na Fulugiya. Ala akukomelezya yonsi ataile.

Milimo 20:2

Apita mu miputule ya mpanga zizi ala akukomelezya antu mu mazwi aingi. Alino afika ku Gilisi,

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Loma 1:14

Pano nemo indi nu mulimo wa kutumikila umuntu ali wensi, musambilile nu mututu, uwa mano na mbulwa mano kwene.

Loma 11:13

Nkuvwanga kunomuli ndakai mwe Akulukuwa. Nkuti vino nene mutumwa ku Akulukuwa namaikako mano nu kucindikisya mulimo wane.

Loma 15:16

lyakuya muomvi wakwe Yesu Klistu uwa kuombela Akulukuwa. Nkatumikila wakwe simapepo pa kukosola Ilandwe Lisuma kufuma kuli Leza, pakuti Akulukuwa yangaya wa mpolelwa iyapokelelwa kuli Leza, apalamikwa kunoli mu maka yakwe Mupasi Wamuzilo.

Loma 16:4

Yene yatasakamile umi wao pamulandu wane. Nkutaizya kunoyali, asi nene nenga, lelo na mauvi yonsi ya Akulukuwa.

1 Kolinto 7:17

Cila muntu alinzile kutwalilila kwikala muno Mwene wamusungila na muno Leza wamwamile. Lii, lili lamulo lino nkasambilizya mu mauvi yonsi.

Kolose 2:1

Nkulonda kuti mumanye kuomba kuno nkaombesya pamulandu winu na pamulandu wa antu yakwe Leza amu Lodesiya, nga na alondezi yauze yano atatala yandola.