2 Kolinto 11:27 - Amazwi Yakwe Leza 2013

²⁷ Naomvile nu kupikintika. Lingi napitanga kwaula kulala. Napisile ni nzala nu lusala, lingi nulilwe vyakulya, mwakwikala, nacuzile ku mpepo nu kusizya.

2 Kolinto 11:27 ပူးပေါင်းရင်းမြစ်များ

Yelemiya 38:9

“Musambazi, we mwene wane, antu yaa yatiyaifya wakwe cimwi kuli kasema Yelemiya, apa kumusumbila mu cifula, kuti amuno ace akafwile ku nzala.”

Mateo 17:21

Lelo kusi cuze cingafumya mupasi wankota uwa musango uu, suka sile mwapepa nu kuizilizya ukulya.]

Milimo 14:23

Muli cila uvi yasontamo aikolo yi uvi. Alino yaizilizya ukulya, yapepa, yaika mu makasa ya Mwene, wino yatailamo.

Milimo 20:31

Pempulini, lyene nu kwiusya ukuti pa myaka itatu, musanya nu usiku, namusambilizye cila wenga, na minsozi.

1 Kolinto 7:5

Caleka cila wenga atalinzile kukanya kufikilizya kulonda kwa mwili ku muze, suka sile ndi mwati muzumilizyanya kuntacita cii pamulandu wakuti musumbe nsita mu kupepa. Lelo mulinzile kutandika nupya kufikilizya ivyaya mu utwazi. Mu musango kwene uu, amuno mulacingililwa ku mezyo yakwe Ciwa pamulandu wa kuntaikanya kwinu.

2 Kolinto 11:23

Uzye yene aomvi yakwe Klistu? Nemo nkuvwanga wakwe cipena, lelo nemo nene muomvi wino alusile yaya. Naombesya kuluta alio, nupya nayalilwe mu ng'anda ya minyololo maila aingi kuluta alio. Nanyambozilwe maila aingi kuluta alio nga lyonsi nali mu uzanzo wa kufwa.

2 Kolinto 6:5

Tumwanga, twanyepwanga mu man'ganda ya minyololo nga nu kuciswa mu zya mpanzela. Twaombesyanga nupya tutalalanga tulo nanti kulya.

Filipi 4:12

Namanya vino cikasenula, kuulilwa nanti kuvulilwa. Nasambilila nkama ii, pakuti kuli konsi, nu mu nsita ili yonsi, inje mwikute, na lino nindya na lino indi ni nzala, na lino nkweti vingi nanti vinono.

1 Tesalonika 2:9

Mwe ina itu akundwe, cumi kwene mukwiusya ntazi zitu lino twaombanga munomuli. Mukwiusya vino twaomvile musanya nu usiku kulonda vyakutwazwa kuti tutaya wa cisendo kunomuli, lino tukukosola Ilandwe Lisuma kunomuli lyakufuma kuli Leza.

2 Tesalonika 3:8

Tutalyanga cakulya caula kukala kufuma ku muntu ali wensi. Lelo twaombanga cuze nupya twatwalilile kuomba musanya nu usiku kuti tutaya wa cisendo kuli wensi uwa munomuli.

Ayebulai 11:37

Yamwi yatamilwe na mawe, yamwi nao mili yao yaputwilwe pakasi na mukalalu, nga yamwi nao yakomwa ku lupanga. Yene yapitananga ala yazwite vizwalo vyapanzilwe ku mpapa zya mfwele nanti zya mbuzi. Yali apina, yazunyiwe nu kucuziwa cuze.