2 Kolinto 11:23 - Amazwi Yakwe Leza 2013

²³ Uzye yene aomvi yakwe Klistu? Nemo nkuvwanga wakwe cipena, lelo nemo nene muomvi wino alusile yaya. Naombesya kuluta alio, nupya nayalilwe mu ng'anda ya minyololo maila aingi kuluta alio. Nanyambozilwe maila aingi kuluta alio nga lyonsi nali mu uzanzo wa kufwa.

2 Kolinto 11:23 ပူးပေါင်းရင်းမြစ်များ

Yelemiya 36:5

Alino lyene Yelemiya atandika kunena Baluki ati, “Nemo yandesya ukuya mu Ng'anda ikulu yakwe Leza.

Milimo 14:19

Lelo Ayuda yamwi aizile kufuma ku Antioki wa Pisidiya nu ku Ikoniamu yatonsya maumba ku lusansa lwao, nga yatama Paulo na mawe, yamukulila nu kunzi yamusumba, yelenganya vino watafwa.

Milimo 20:23

Namanya sile ukuti mu misumba yonsi Mupasi Wamuzilo wansoka ukuti ukunyepwa mu mang'anda yaminyololo ni ntazi vikundolela.

Milimo 21:11

Alino aiiza kunotuli, asapula musipi wakwe Paulo, umwisikulu ainyepa maulu na makasa, nga avwanga ati, “Avino Mupasi Wamuzilo wavwanga ati vii avino Ayuda aku Yelusalemu yalanyepa umwine musipi uu, nga yamupele mu makasa ya Akulukuwa.”

Milimo 25:14

Lino ikalako manda yamwi, Fesito alondolwela mwene Agilipa mulandu wakwe Paulo ati, “Kuli umuntu umwi wino Felikisi wasya mu ng'anda yaminyololo.

Milimo 27:1

Lino yapingula ukuti tuli nu kuya ku Italya mu wato, Yapela Paulo na anyepwe yauze kuli Juliasi musika wa asilika, uwali uwamu mpuka ya vita ino yatangi Impuka yakwe kateeka Agostino.

Milimo 28:16

Lino twafika mu Loma, Paulo yamuleka kuti aikalile wenga nu musilika ala akumulinda.

Milimo 28:30

Pa myaka iili Paulo watenzi mu ng'anda ino wasonkelanga ala akupokelela yonsi aizanga ku kumulola.

Milimo 9:16

Nani nemwisikulu ndamulanga vintu vyonsi vino alacula pamulandu wi zina lyane.”

Loma 8:36

Wakwe vino malembelo yakati, “Pamulandu wako tuli mu uzanzo wa kukomwa musanya nu usiku. Tukoline wa mfwele zino zyasendwa ku kukomwa.”

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

1 Kolinto 3:5

Uzye Apolo aweni? Uzye Paulo aweni? Sweswe aomvi sile yakwe Leza, yao amwazwilizye kuti mutaile. Cila wenga uwa munotuli akaomba mulimo uno Leza wamupile kuti acita.

1 Kolinto 4:1

Mwatulola wa yaomvi yakwe Klistu yano apelwa mulimo wakwangalila vya nkama vyakwe Leza.

1 Kolinto 4:11

Na ndakai kwene tukupita ala tuli ni nzala nu lusala. Tuzwite nsamu. Tukaumwa. Tukazeya kufuma mu cifulo conga kuya ku cuze.

1 Kolinto 4:9

Pano kunondi caloleka ukuti Leza wapela cifulo cakusyalikizya kuli sweswe swe atumwa. Tuli wa antu avunukwa ku kukomwa pa swe, nupya tuli akutambwa ni viumbwa, asi antu yatupu, lelo na angeli kwene.

2 Kolinto 10:7

Elenganyini ningo pa vintu vikuloleka paswe. Uzye kuku kungaya umwi wino waitaila ukuti wene uwakwe Klistu? Ndi avino cili, lekini wene aelenganye nupya pali aliwe umwisikulu, pano sweswe yakwe Klistu wakwe vino nawe kwene ali.

2 Kolinto 11:5

Nkwelenganya vino nemo ntacepa pali wenga uwa mu atumwa yano mwemo mukati yacindamisya.

2 Kolinto 3:6

Aliwe kwene akatupeela maka akutumikila mu upangano upya. Upangano uu usi pa masunde yano alembwa, lelo pa Mupasi Wamuzilo. Masunde yano alembwa yene yakaleta imfwa, lelo Mupasi Wamuzilo wene akapela umi.

2 Kolinto 4:11

Swemo tuli aumi lelo pamulandu wakwe Klistu lyonsi twaya mu uzanzo wa mfwa. Pakuti umi wakwe Klistu waloleka mu mili itu ikafwa.

2 Kolinto 6:9

Swemo tutamanyikwa kuli yauze, lelo twamanyikwa ningo kuno muli. Yakati tuli nu kufwa, lelo tucili nu umi. Antu yatuvunuka, lelo yatatukoma.

Galatiya 6:17

Kufuma ndakai ntakulonda kuti umuntu nanti umwi anganola, pano viyazi ivili pa mwili wane vikulanga ukuti nene muzya wakwe Klistu.

Efeso 3:1

Caleka ne Paulo, munyepwe pamulandu wa kutumikila Klistu Yesu nkumupepela kuli Leza mwe Akulukuwa.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Efeso 6:20

Pamulandu wi Landwe Lisuma nasololwa kuya nkombe, nanti ndakai indi mu n'ganda yaminyololo. Acino mwampepelako kuti nje mupame pa kukosola Ilandwe Lisuma wakwe vino ndinzile kucita.

Filipi 1:13

Caleka yakalinda yonsi amwi sano pali pamwi na antu yauze yonsi ali pano yamanyile ukuti nemo indi mu ng'anda yaminyololo pamulandu wakuti nene muomvi wakwe Klistu.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

Kolose 1:29

Pakuti cii cicitwe nemo nkuomba nu kulwisya, ala nkuomvya maka yano Klistu akampeela, nupya yano yakuomba munondi.

1 Tesalonika 3:2

nu kutuma Timoti mwina witu kunomuli. Wene pamwi naswe akatumikila Leza pa kukosola Ilandwe Lisuma lya pali Klistu. Twamutumile kwiza mukomelezya nga nu kukomya utailo winu,

1 Timoti 4:6

Ndi watungulula vii ku ina itu, lyene ulaya muomvi musuma wakwe Klistu Yesu. Lyene ulalanga ukuti wemo wimulwa na mazwi ya utailo nga nu usambilizyo usuma uno walondela.

2 Timoti 1:16

Mwene aye na mizu ku amu ng'anda yakwe Onesifolasi, pano wene wansansamusyanga maila aingi. Wene atali ni nsonyi pamulandu wakuti nemo nali mu ng'anda yaminyololo.

2 Timoti 1:8

Acino lyene utuvwa insonyi izya kupeela umboni pamulandu wa Mwene witu. Nupya utuvwa insonyi pamulandu wane, ne munyepwe pamulandu wakwe Klistu. Lelo wakumako ku kuculila Ilandwe Lisuma, lino Leza akukupeela maka akucita cii.

2 Timoti 2:9

Pamulandu wa kukosola Ilandwe Lisuma, nemo nkacula nu kunyepwa mu minyololo kwati nene cipondo. Lelo mazwi yakwe Leza yene yatanganyepwa mu minyololo.

2 Timoti 3:11

kuzunyiwa kuno nazunyiwe, nga na macuzi yane. Wamanya vyonsi vino vyancitikile mu Antioki, mu Ikoniamu, nga nu ku Lisitala, kuzunyiwa ukwipisye kuno naposizye! Lelo Mwene wankulwile kuli vii vyonsi.

Filimoni 1:9

Lelo pamulandu wakuti nakutemwa, nkukulenga kuti ucite cino ulinzile kucita. Nemo nkucita cii nanti angala nene Paulo, inkombe yakwe Klistu, nga ndakai nene munyepwe pamulandu wa kutumikila Klistu Yesu.

Ayebulai 10:34

Mwemo mwakumileko ku kucula pamwi na anyepwe. Nalino yamuposile vyuma vinu vyonsi, mwemo mwacipokelile ni nsansa, pano mwamanyile ukuti mucikweti cuma cisuma cuze cino cikaikalilila manda pe.