2 Kolinto 11:22 - Amazwi Yakwe Leza 2013

²² Uzye yene Ayebulai? Nani kwene avino ndi. Uzye yene aina Izlaeli? Nani kwene avino ndi. Uzye yene amu mupanda wakwe Abulaamu? Nani kwene avino ndi.

2 Kolinto 11:22 ပူးပေါင်းရင်းမြစ်များ

2 Milandu 20:7

Uzye usi wewe wazinzile aikazi ya mpanga ii apa manso ya antu yako aina Izlaeli nu kupeela impanga ii ku amu mupanda wakwe Abulaamu cuza wako mpaka umuyayaya?

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Kufuma 3:18

“Intunguluzi zya ina Izlaeli zilatezya cino ulazinena. Lyene wewe pamwi ni ntunguluzi zya ina Izlaeli ulinzile ukupita ku mwene waku Eguputo ukamunene uti, ‘Yawe, Leza wa Ayebulai, wataisokolola kunotuli. Ndakai tuzumilizye kuti tupite ulwendo lwa manda yatatu mu lwanga kuti tukapeele impolelwa kuli Yawe, Leza witu.’

Kufuma 5:3

Lyene Mose na Aaloni yaasuka yati, “Leza wa Ayebulai umwisikulu wataloleka kunotuli. Wemo ule utuzumilizye kuti tupite ulwendo lwa manda yatatu mu lwanga kuti tukapeele impolelwa kuli Yawe, Leza witu. Ndi tutangacita vii, alatukoma ni mpungo nanti nu lupanga.”

Kufuma 7:16

Lyene uce unene Falao uti, ‘Yawe, Leza wa Ayebulai watantuma kuti nkunene ukuta antu yakwe yapita, pakuti yangaya yakamupepe mu lwanga. Lelo kufika na ndakai utasakamile kumuyela.

Kufuma 9:1

Lyene Yawe anena Mose ati, “Pita ukanene Falao uti Yawe, Leza wa Ayebulai wavwanga wati, ‘Ta antu yane yapita, pakuti yangampepa.

Kufuma 9:13

Nupya Yawe anena Mose ati, “Mutondo katondotondo ukalolane na Falao nga umutekezye umwenzo umunene uti Yawe Leza wa Ayebulai wavwanga wati, ‘Ta antu yane yapite, pakuti yangampepa.

Mateo 3:9

Nupya mutaelenganya ukuti muluutuka kuvunukwa kuno kukwiza, apa kulanda ukuti Abulaamu ali cikolwe cinu. Nkumunena vino Leza angasenula amawe yaa ukuya ana yakwe Abulaamu.

Milimo 22:3

“Nene Muyuda, uwavyalilwe mu Taliso muzi uwamu Kilikya, lelo nakulila kuno mu Yelusalemu. Gamalieli uwali kasambilizya wane. Nasambilile ningo masunde ya vikolwe vitu, nupya naipela cuze kuli Leza ndi vino mwensi mukacita, mwemuno muli pano ilelo.

Milimo 6:1

Mu manda yalya lino alondezi yavulilangako, Ayuda avwanganga Cigiliki yailizyanya pa Ayuda avwanganga Ciyebulai pano yali na kasoozi pali yamukamfwilwa yao pa kuntayankanyako vino yulilwe cila wanda.

Loma 11:1

Lyene nuzye, uzye Leza wafutatila antu yakwe? Awe, cumi kwene citangaya vivyo. Pano nani kwene nene mwina Izlaeli, wamu mupanda wakwe Abulaamu, nupya nene uwamu mutundu wakwe Benjamini.

Loma 9:4

Yene antu yakwe Leza yano wasolola kuti yaye ana yakwe, nga nu kusokolola lulumbi lwakwe kunoyali. Leza wacisile cipangano nao nu kuyapela Masunde. Wayasambilizye vino yangamupepa mucumi. Wafikilizye malayo yakwe kunoyali.

Galatiya 3:16

Vii avino cili ku malayo yano Leza wacisile kuli Abulaamu ni cizikulula cakwe, vino malembelo yakati malayo yatapilwe ku “Vizikulula ivingi,” lelo “Ku cizikulula,” kuli kuti wenga, na wiyo a Klistu.

Filipi 3:5

Nemo nasilamwilwe lino nali na manda cinani (8) akuvyalwa, nupya nafuma mu luko lwa Izlaeli mu mutundu wakwe Benjamini. Mukuvyalwa, nene Muyebulai. Wa Mufaliseo, nemo nayelanga Masunde yakwe Mose ndi vino yaya. Lom 11:1