2 Kolinto 11:2 - Amazwi Yakwe Leza 2013

² Nemo nkweti uzuwa pamulandu winu, wakwe vino Leza nawe akweti. Mukoline wakwe mwali musanguluke wino nalaya kumufumalizya ku muntu wenga sile. Muntu wiyo a Klistu umwisikulu.

2 Kolinto 11:2 ပူးပေါင်းရင်းမြစ်များ

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Ezekelo 44:22

Nupya simapepo atalinzile kutwala mukamfwilwa nanti umwanaci wino yata kuli iya. Lelo angatwala umwanaci umwina Izlaeli nanti mukamfwilwa wino iya wali a simapepo.

Yoane 3:29

Nawinga uwakwe siwinga, lelo cuza wakwe siwinga wene akaimilila pipi, nu kuvwa kunoli, nupya akazanga cuze lino uvwa izwi lyakwe siwinga. Vii avino nkazanga cuze.

Loma 7:4

Ali vino cili na kuli mwemwe mwe inane. Pano mwemwe vilundwa vya mwili wakwe Klistu, mwafwa pamwi naliwe ku Masunde yakwe Mose. Ndakai mwemwe yakwe Klistu, wino uwazyukwilwe kufuma ku afwe, pakuti twatumikila Leza ningo.

1 Kolinto 4:15

Mungaya na yakasambilizya mazimbi ikumi mu wina Klistu winu, lelo mutangaya na yaso aingi, nemo nizile nja wakwe so pa kukosola Ilandwe Lisuma kunomuli.

2 Kolinto 4:14

pano twamanya ukuti Leza wino wazyukwile Mwene Yesu, naswe kwene alatuzyukula pamwi na Yesu nu kutufisya pa manso yakwe pamwi namwe.

Galatiya 4:11

Nemo nati nsakamikwa pamulandu namwe! Uzye ale limwi ukuomba kwane pakasi kinu ukwasilesile?

Filipi 1:8

Leza ali kambone wane ukuti nkulanda cumi. Wene amanyile vino nkalondesya kumulola. Namutemwa mwensi nu kutemwa kwakwe Klistu Yesu.

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

1 Tesalonika 2:11

Mumanyile ukuti twamusunganga ndi vino isi wa muntu akacita ku ana yakwe.

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.