2 Kolinto 10:17 - Amazwi Yakwe Leza 2013

¹⁷ Calembwa mu malembelo cati, “Wino wensi akulonda kuitumika, aitumika pali vino Mwene wacita.”

2 Kolinto 10:17 ပူးပေါင်းရင်းမြစ်များ

Masamu 105:3

Sansamukini pano sweswe antu yakwe. Lekini yao yonsi akapepa Yawe yasansamuke!

Masamu 106:5

Ungaleka indole isyuko lya asololwe yako nu kukumako uku nsansa zya mutundu wako, nu kuitanka pamwi na akwako.

Ezaya 41:16

Mulaavwintila imyamba umupela nu muza nao ulaisenda. Icipunga naco cilaisalanganya. Lelo mwemo mulaasansamuka pano nene indi Leza winu. Mulandumbanya ne Leza Wamuzilo wakwe Izlaeli.

Ezaya 45:25

Lelo muli Yawe amuno yonsi amu mupanda wakwe Yakobo yalacimvya nga yamulumbanye.’ ”

Ezaya 65:16

Umuntu wensi muno nsi wino alalenga intembo, nene kwene ne Yawe muntafutuka ndamumila ulutembo. Wiyo wensi alalapa, wene alalapa mwi zina lyakwe Leza Muntafutuka, ivinkunka vyonsi vyampiti vilapita nu kuviilila ndaviilila.”

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Loma 5:11

Nupya cisi cico citupu. Tukazanga pali vino Leza wacita mu Mwene witu Yesu Klistu, uwalenga kuti tukwate kuwikizyanya na Leza.

1 Kolinto 1:29

Cii cikusenula ukuti kusi umwi angaitumika pa manso yakwe Leza.

1 Kolinto 1:31

Caleka, cili ndi vino calembwa mu malembelo cati, “Wino akailumba ailumbe mu Mwene.”

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.