2 Kolinto 10:12 - Amazwi Yakwe Leza 2013

¹² Tutange twezye kuilinganya nanti kuikolanya na antu akailola ukuti yalusile auze. Lelo lolini vino yatumpa pa kuilinganya nu kuikolanya aisikulu.

2 Kolinto 10:12 ပူးပေါင်းရင်းမြစ်များ

Yobo 12:2

“Ica cumi nasininkizya mwemwe antu yamano. Na lino mulafwa ale na mano inu kwene yapongelela kumwi.

Mapinda 25:27

Citazipa ukulya uci ukuluta apa cipimo nanti ukuzumila amazwi aku kulyombeleka.

Mapinda 26:12

Uzye watala walola umuntu akaitunga ukuya uwa mano? Fwandi umu ciwelewele mwene calusya.

Mapinda 27:2

Leka muze awino akuwanzye, utaiwanzya we mweneco. Umuntu muze awino alinzile akuwanzye, asi milomo yako we mweneco foo.

Luka 18:11

Mufaliseo aimilila apepa mu mwenzo wakwe ati, ‘Nakutaizya, we Leza, pano nemo ntakolana na antu yauze ali wa antu alwiswa, aucenjezi, akalongozya nanti yao ali wakwe kasonkisya kwene wii.

Loma 15:18

Ndapama nu kulanda sile pali vino Mwene Yesu Klistu wacita kupitila munondi pa kutungulula Akulukuwa mu kuyela Leza. Wene wacita cii mu mazwi nga nu mu micitile,

2 Kolinto 10:11

Muntu wa musango uu alinzile kumanya ukuti pasi ulekano pakasi ka mazwi yano tukalemba mu makalata itu lino tuli kutali nga na pali vino tulacita lino tuli pamwi namwe kuko.

2 Kolinto 10:18

Pano asi muntu wino akaitasya umwisikulu angazumiliziwa, lelo suka wino Mwene watasya.

2 Kolinto 3:1

Uzye twatandika nupya ukuitumika? Uzye naswe wa antu yauze tukulondekwa kuya na makalata akutulondola kuno muli nanti makalata akufuma kuno muli akutulondola.

2 Kolinto 5:12

Tusyakuitumika kuno muli lelo tukuvwanga kuti mungaya ni cakwasuka yano akailumba pali vino muntu akaloleka, ukuluta pali vino muntu waya mu mwenzo wakwe.