2 Kolinto 1:7 - Amazwi Yakwe Leza 2013

⁷ Caleka upaalilo witu muno muli usi uwasilesile. Twamanya ukuti wakwe vino mukakumako ku macuzi itu, vivyo kwene mukakumako nu ku wazwilizyo kwene uno Leza akatupeela.

2 Kolinto 1:7 ပူးပေါင်းရင်းမြစ်များ

Mateo 23:30

Nupya mukavwanga muti, ‘Ndi tuzanwako mu manda ya vikolwe vitu, tutange tumane kapi nao mukukoma yakasema.’

1 Kolinto 10:13

Ukweziwa konsi kuno kukamucitikila, kuli kumwi kwene ukukacitikila antu yauze. Lelo Leza wene uwakutailwa. Wene atalazumilizya kuti mweziwe kuluta pali vino mungaposya. Pa nsita ino mukweziwa, wene alamulanga inzila yakuleukila matunko pa kumupeela maka akuti muposye.

2 Kolinto 1:14

wakwe vino mwatuvwa sile mbali. Lyene lino Mwene Yesu alawela, mulaya ni cilumba pamulandu witu wakwe vino twaya ni cilumba pamulandu winu.

2 Kolinto 12:20

Nkoopa kuti lino ndiza limwi ndazana kuti miyele inu ipusane na vino ningatemwa kuti iye, nupya nkoopa kuti limwi namwe kwene mulazana kuti miyele yane ipusane na vino mungatemwa kuti iye. Nkoopa kuti limwi ndazana kulemanila, uzuwa, cipyu, kuitemwa, musaalula, lwambo, cilumba, cimvulunganya muno muli.

2 Kolinto 7:9

Ndakai ndi nu luzango asi pamulandu wakumulenga kuvwa ulanda. Lelo apamulandu wakuti Leza waomvizye ulanda kwene uu, kuti aleke muzenzuke ku miyele inu. Caleka swemo tutacisile cimwi ciipe kuno muli.

2 Timoti 2:12

Ndi twatwalilila kuposya, ale lyene tulateeka pamwi nawe. Ndi twamukana, ale nawe kwene alatukana.

2 Timoti 3:11

kuzunyiwa kuno nazunyiwe, nga na macuzi yane. Wamanya vyonsi vino vyancitikile mu Antioki, mu Ikoniamu, nga nu ku Lisitala, kuzunyiwa ukwipisye kuno naposizye! Lelo Mwene wankulwile kuli vii vyonsi.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.