2 Kolinto 1:5 - Amazwi Yakwe Leza 2013

⁵ Wakwe vino twakumako ku macuzi aingi yakwe Klistu, vivyo kwene tukakumako ku kutekeziwa kukulu kuno Leza akatupeela kupitila muli Klistu.

2 Kolinto 1:5 ပူးပေါင်းရင်းမြစ်များ

Luka 2:25

Ku Yelusalemu kwali umuntu wi zina lyakwe Simeoni. Wiyo wali umololoke nupya wayelanga Leza. Wene walolelanga insita ino Leza angatuula aina Izlaeli, nu Mupasi Wamuzilo wali panoli.

Milimo 9:4

Lyene apona pansi auvwa izwi likuti, “Saulo, Saulo! Pacani ukunzunya?”

Loma 8:17

Lyene pano twaya ana yakwe Leza tulapokelela upolelelo uno walaya antu yakwe nu kwiza pokelela pamwi na Klistu vino Leza wamuteyanyizizya. Pano ndi twakuma ku kucula pamwi na Klistu ale tulakumako nu kululumbi lwakwe kwene.

Filipi 1:20

Cintu cino nkalonda nu kupaalila icakuti ntacitisya Klistu insonyi, nkupaalila kuya muposye ndakai ndi vino naya lyonsi kuti Klistu acindikilwe munondi lino indi nu umi nanti mufwe.

Filipi 2:1

Caleka ndi Klistu akumukomelezya, ndi nu kutemwa kwakwe kukamutekezya myenzo, ndi muli nu utandano wa Mupasi Wamuzilo, nga nu kusakamala nu kuya ni nkunkunsi na antu yauze,

Filipi 3:10

Cino nkulonda ukumanya Klistu na maka yano amulenzile kuzyukuka kufuma ku afwe. Nkulonda kukuma ku macuzi yakwe nga nu kufwa ndi vino wene wafwile.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

2 Timoti 3:11

kuzunyiwa kuno nazunyiwe, nga na macuzi yane. Wamanya vyonsi vino vyancitikile mu Antioki, mu Ikoniamu, nga nu ku Lisitala, kuzunyiwa ukwipisye kuno naposizye! Lelo Mwene wankulwile kuli vii vyonsi.

1 Petulo 4:13

Lelo zangini pano mukukumako ku macuzi yakwe Klistu, kuti muce muye nu luzango cuze lino alaloleka mu lulumbi.