2 Kolinto 1:24 - Amazwi Yakwe Leza 2013

²⁴ Swemo tusi angalizi pa utailo winu akumunena vino mungataila. Tukuomba pamwi namwe kuti muye a nsansa, pano utailo winu ukome.

2 Kolinto 1:24 ပူးပေါင်းရင်းမြစ်များ

Mateo 24:49

lyene atandika kuuma aomvi yauze, aalya nu kumwa pamwi na akolesi,

Loma 1:12

Ntwazile mukuti utailo uno mukweti wakomya utailo wane, nane utailo uno nakwata wakomya utailo winu.

Loma 11:20

Cii ica cumi. Yene yaputwilwe pano yatataile. Lelo mwemo muli mu cifulo caiko pano mwataila. Acino mutaitumika pali cii. Lelo muye ni ntete.

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

1 Kolinto 15:1

Inane, nkansi kumwiusya pamulandu wi Landwe Lisuma lino nakosozile kunomuli. Mwemo mwalipokelile, nga nu utailo winu iukomeleka.

1 Kolinto 3:5

Uzye Apolo aweni? Uzye Paulo aweni? Sweswe aomvi sile yakwe Leza, yao amwazwilizye kuti mutaile. Cila wenga uwa munotuli akaomba mulimo uno Leza wamupile kuti acita.

2 Kolinto 11:20

Mukazumilizya antu kuti yamucite uzya nu kumucenjezya nga nu kwiya kufuma kuno muli. Mukaleka kuti yamusule nga nu kumuma impi pa manso.

2 Kolinto 4:5

Kukosola kwitu kusi kwa pali sweswe, lelo tukakosola Ilandwe ukuti Klistu u Mwene. Naswe sweswe yaomvi inu sile pamulandu wakwe Klistu Yesu.

2 Kolinto 5:7

Lelo tukaikala umi wakutaila, usi uwa pali vino tukalola.

1 Petulo 5:3

Mutaezya kukulizya yao yano mukasunga, lelo muye cilangililo pakasi ki uvi.