2 Kolinto 1:21 - Amazwi Yakwe Leza 2013

²¹ Caleka Leza akalenga mwemwe nani twimilile akomeleke muli Klistu. Leza aliwe kwene uwatusolwile

2 Kolinto 1:21 ပူးပေါင်းရင်းမြစ်များ

Masamu 45:7

Wemo watemwa ivintu ivilungame, wapata ivintu iviipe. Ali mulandu kwene uno Leza, uwaya Leza wako wakusolwile nu kukupelesya insansa izivule ukuluta apa yauzo.

Masamu 87:5

Zioni wene yakavwangapo yati ali nyina wao, uwavyala antu ya mitundu yonsi Leza Wapapelapela alamukomya ndi.

Masamu 89:4

‘Ndalasika amu mupanda wako apa cilimba ca wene umuyayaya. Nu wene wako ndaukomya umu nkulo zyonsi.’”

Ezaya 49:8

Yawe wavwanga wati, “Akasita ka kumupususya ndi kafika, nemo ndamulola luse luse nu kwasuka impooma zinu, ndi mwalila iyoyomba. Nemo ndamulinda nu kumucingilila. Mulaleka nu kuti ince ncite upangano, apakasi kao nani. Ndaleka kuti muce mwikale nupya mu mpanga yaupyanyi ino yasyala ntangali ntangali.

Ezaya 59:21

Alino nupya ne Yawe napangana namwe upangano wakuti nemo napeela amaka yane na masunde yane. Fwandi mwemo mulinzile ukuviyela, nu kuvisambilizya ku yana yinu na izikulu inu, ukutandikila sile apilelo ukufika nu kumpela ya manda. Kuu kuli kulanda kwakwe Yawe.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Ezaya 62:7

Nupya cisi cakuleka ukuti yandeke intale mpuze, suka sile natala nakuululula Yelusalemu nu kumulenga aye uwa lulumbi pano nsi yonsi.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Aina Levi 7:35

Cico kwene cili ciputulwa ca mawila akocela Yawe cino capezilwe kuli Aaloni na ana yakwe pa wanda uno yapasilwe amafuta nu kuyapaatula ukuya yasimapepo.

Habakuku 2:12

“Kalanda kuli wino akakuula umusumba umu utazi wa katwe nu kuumalila mu kukalala.

Yoane 3:34

Pano wino Leza watuma wene akavwanga mazwi yakwe Leza, na Leza akamupeela Mupasi Wamuzilo.

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

Loma 8:9

Lelo musilondela vino mwili ukamunena kucita lelo mukalondela vino Mupasi Wamuzilo akamunena kucita pano Mupasi Wamuzilo akaikala munomuli. Lelo umuntu wino atakweti Mupasi wakwe Klistu, wene asi wakwe Klistu.

1 Kolinto 1:8

Leza alamusunga mu kukomeleka kufika nu kumpelelekezyo, pakuti mutakaye amulandu pa Wanda wa Mwene witu Yesu Klistu.

2 Kolinto 5:5

Leza aliwe watuteyanyizya kusenulwa kuu nga watupela Mupasi Wamuzilo mu myenzo kuti alangilile vino sweswe akwakwe.

Kolose 2:7

Ikini misisi munoli, nu kuleka kuti wene aye mufula wa umi winu. Muye akomeleke mu utailo winu, wakwe vino mwasambiliziwe. Nupya mulinzile kutaizya cuze.

1 Tesalonika 3:13

Mu musango ndi uu, wene alamukomelezya, nga namwe mulaya afumaluke nupya amuzilo pa manso yakwe Leza Tata, lilyo lino Mwene witu Yesu aliiza nupya pamwi na akwakwe yonsi amuzilo.

2 Tesalonika 2:17

alukutukomelezya nu kutupela maka akucita nu kulanda visuma lyonsi.

2 Tesalonika 2:8

Alino lyene Mui wilya alasokololwa. Lelo lino Mwene Yesu aliza, wene alamukoma ku mupu uwamu mulomo wakwe, nu kukaoka kwakwe kulamulovya.

2 Tesalonika 3:3

Lelo Mwene wene uwa kutailwa, nupya alamukomelezya nu kumucingilila ku Mwipe wilya.

Ayebulai 13:9

Mutaleka usambilizyo nanti umwi uwa musango onsi umupumvyanye nu kumufumya umu nzila isuma. Cili cisuma kuti myenzo inu ikomeleziwe ni cikuku cakwe Leza, lelo asi mukuyela malamulo pamulandu wa vyakulya. Yao akayela malamulo yaa citayazwa foo.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

1 Yoane 2:20

Lelo Klistu wene wamupolelile pakumupongolwela Mupasi Wamuzilo. Acino mwensi kwene mwamanya icumi.

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.

Umbwilo 1:6

nupya watucita kuya yakateeka na yasimapepo mu kutumikila Leza Isi wakwe. Lulumbi na maka vipelwe kuli Yesu Klistu manda pe! Ameni.

Umbwilo 3:18

Nkukupanda mano, kuti lyene ukale zaabu kufuma kunondi, zaabu mwengululwe kuti uye mukama. Kala kunondi ni nsalu itiswe kuti uzwale na kuti usisye insonyi zya kupita tupu. Kala kunondi nu mulembo wa kwika mu manso kuti walola.