2 Kolinto 1:11 - Amazwi Yakwe Leza 2013

¹¹ Mwemo mwatwika mu mapepo. Leza alaasuka mapepo inu aingi yano mukutupepela, nupya wene alatupolelela. Lyene na antu aingi yalataizya Leza pa kutupolelela.

2 Kolinto 1:11 ပူးပေါင်းရင်းမြစ်များ

Ezaya 37:4

Umwene mukalamba wa ina Asilya walatumile umukalamba wa vita vyakwe apakuti aize atukole Yawe Leza waumi. Umwene Leza wenga ale auvwe intusi zizi pakuti angalyotola antu yaya yano yali yakutukana. Wemo ungala upapatile sile kuli Yawe, antu yako yano yasyalapo apakuti yace yapusuke.”

Milimo 12:5

Caleka Petulo asungwa mu ng'anda yaminyololo, lelo iuvi lyamupepelanga kuli Leza nu mute.

2 Kolinto 4:15

Vii vyonsi vyacisilwe pamulandu winu, pakuti vino cikuku cikufika ku antu aingi vivyo kwene cikungilizya ntaizyo ku lulumbi lwakwe Leza.

2 Kolinto 9:14

Mu kutemwa kukulu yalamupepela pamulandu wa cikuku cakwe Leza cino wakwata kuno muli.

Filipi 1:19

Nupya nemo namatwalilila kuya nu luzango, pano manyile ukuti kupitila mu mapepo inu nga nu wazwilizyo kufuma kuli Mupasi wakwe Yesu Klistu, nemo yalansapula kuya muntungwa.

Kolose 4:3

Pa nsita ili imwi kwene naswe kwene mwatupepelako, pakuti Leza atupeele kasita kasuma aka kukosola ilandwe lyakwe ilya nkama yakwe Klistu. Pano uli mulandu uno nemo ndakai nayalilwa mu ng'anda yaminyololo.

1 Tesalonika 5:25

Mwe ina itu, naswe kwene mwatupepelako.

2 Tesalonika 3:1

Mukusyalikizya, mwe inane, mwatupepelako. Cii cilazwilizya kusalanganya zuwa Ilandwe lya Mwene nga nayauze nao yalipokelele nu mucinzi. Wakwe vino mwemo mwacita.

Filimoni 1:22

Pa nsita ili yonga kwene unteyanyizizye muputule umwi, pano nkupaalila ukuti Leza alaasuka mapepo inu yonsi nga nu kuleka kuti nize kunomuli.

Ayebulai 13:18

Mutwalilile kutupepela. Swemo twasininkizya ukuti myenzo itu ili ningo pano tukalondesya kucita cisuma nsita zyonsi.