2 Kolinto 1:1 - Amazwi Yakwe Leza 2013

¹ Kalata kufuma kuli Paulo, mutumwa wakwe Klistu Yesu kupitila mu kulonda kwakwe Leza, pamwi na Timoti mwina witu. Kwi uvi lyakwe Leza lino lili mu Kolinto, nga nu ku antu yakwe Leza yonsi ali mu mpanga yonsi yamu Akaya.

2 Kolinto 1:1 ပူးပေါင်းရင်းမြစ်များ

Milimo 16:1

Paulo waile ku Debe nu ku Lisitala, kuno wenga pa ataile uwizina lyakwe Timoti wikalanga. Nyina wakwe Timoti nawe kwene wali wenga pa ataile nupya wali u Muyuda. Lelo Isi wene wali u Mugiliki.

Loma 15:26

Pano mauvi aku Makedoniya nu ku Akaya mukuitemelwa yasola ukusangula uwila wakwazwa antu yakwe Leza, apina amu Yelusalemu.

Loma 16:21

Timoti muomvi unji, watuma ulau wakwe kunomuli. Vivyo kwene na Lusio, Yasoni na Sosipata, Ayuda yanji, nao yatuma ulau wao.

Loma 16:5

Natuma ulau kwi uvi ilikapepela mu ng'anda yao. Natuma ulau kuli cuza wane Epanatusi, uwali ali muntu wakutandika kutaila muli Klistu mu muputule wa mpanga ya Asiya.

1 Kolinto 10:32

Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

1 Kolinto 16:10

Ndi Timoti waca wafika kunomuli, muce musininkizye ukuti mwamuzengela ningo ataca anyinyinzika pano wene akutumikila Mwene, ndi vino nani nkucita.

1 Kolinto 16:15

Inane, mwamanya vino Sitefano pamwi na amu ng'anda yakwe ayano yatandike kuya aina Klistu a nkolelo mu mpanga ya Akaya nupya yaipela aisikulu ku kuomba vyonsi vino yangacita pamulandu wa antu yakwe Leza. Inane, nkumupapata,

1 Kolinto 16:24

Kutemwa kwane kuye pali mwemwe muli Klistu.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

2 Kolinto 1:19

Cii, cili vivyo pamulandu wakuti Yesu Klistu Mwana wakwe Leza wene lyonsi kwene waya a “Ee” nupya atatala waya a “Awe”. Wene ali wino Siluvano, Timoti, nga nani twamunenyile pali aliwe.

2 Kolinto 1:23

Leza ali kambone uwamanya mwenzo wane vino pa kukana mucuzya acino ntizile ku Kolinto.

2 Kolinto 11:10

Ndi vino cumi cakwe Klistu cili munondi, nkulanda vino, kusi muntu nanti umwi mu Akaya wino angandesya kuitumika pali cii.

2 Kolinto 9:2

Manyile vino mukulondesya kupeela. Acino nemo namaitumika ku alondezi ya Mwene amu Makedoniya kuti mwe antu amu Akaya mwaiteinye kufuma mwacizo. Ndakai kulondesya kwinu kwa kupeela kwalenga kuti nao kwene yalondesye kupeela.

Galatiya 1:1

Kalata kufuma kuli ne Paulo, wino kwamwa kwane kwa kuya mutumwa kutafuma ku muntu nanti kupitila mu muntu, Lelo kwafuma kuli Yesu Klistu, na Leza Tata, wino uwazyukwile Klistu kufuma ku afwe.

Galatiya 3:26

Mwensi kwene mwemwe ana yakwe Leza pa kutaila muli Klistu Yesu.

Efeso 1:1

Kalata kufuma kuli ne Paulo, ne muno nasolwa kuti nje mutumwa wakwe Klistu Yesu. Ku antu yakwe Leza yonsi yao akaikala mu Efeso nupya alondezi ataila muli Klistu.

Filipi 1:1

Kalata kufuma kuli ne Paulo na Timoti, swe aomvi yakwe Klistu Yesu. Twalembela antu yakwe Leza nupya yakwe Klistu, yano ali ku Filipi nga ni ntunguluzi pamwi na Yadikoni onsi amu mauvi inu.

1 Tesalonika 1:1

Kalata kufuma kuli ne Paulo na Siluvano na Timoti. Ku antu amwi uvi lyaku Tesalonika, antu yakwe Leza Tata nu Mwene Yesu Klistu. Cikuku cakwe Leza nu mutende viye kunomuli.

1 Tesalonika 3:2

nu kutuma Timoti mwina witu kunomuli. Wene pamwi naswe akatumikila Leza pa kukosola Ilandwe Lisuma lya pali Klistu. Twamutumile kwiza mukomelezya nga nu kukomya utailo winu,

2 Tesalonika 1:1

Kalata kufuma kuli ne Paulo, na Siluvano, nga na Timoti. Ku antu amwi uvi lyaku Tesalonika, antu yakwe Leza Tata nu Mwene Yesu Klistu.

1 Timoti 1:1

Kalata kufuma kuli ne Paulo, mutumwa wakwe Klistu Yesu, ne muno nasolwilwe na Leza, Katuula witu na Klistu Yesu wino tukapaalila.

2 Timoti 1:1

Kalata kufuma kuli ne Paulo, mutumwa wakwe Klistu Yesu, ne muno nasolwilwe na Leza. Wene uwantumile ku kukosola umi uno watulaya muli Klistu Yesu.

Tito 1:1

Kalata kufuma kuli ne Paulo, muomvi wakwe Leza nupya mutumwa wakwe Yesu Klistu. Nasolwilwe nu kutumwa ku kwazwa antu yakwe Leza asololwe kuti njatungulule ku utailo, yamanye cumi cingayalanga vino yangatumikila Leza.

Filimoni 1:1

Kalata kufuma kuli ne Paulo munyepwe pamulandu wa kutumikila Klistu Yesu, nga nu kufuma ku mwina witu Timoti. Kuli Filimoni cuza witu nga nu muomvi unji,

Ayebulai 13:23

Nkulonda mumanye ukuti Timoti mwina witu wasapulwa kufuma mu ng'anda yaminyololo. Ndi cakuti wene angiza zuwa, ndakatuka nawe pa kwiza lolana namwe.