1 Yoane 5:7 - Amazwi Yakwe Leza 2013

⁷ Kwaya yakambone yatatu.

1 Yoane 5:7 ပူးပေါင်းရင်းမြစ်များ

Masamu 33:6

Yawe wapanzile amayulu ukwizwi lyakwe. Ilanzi, umwezi ni ntanda, navyo vyapangwa uku mupu wamu kanwa kakwe.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Mateo 18:16

Lelo ndi wakana kuvwa kunuli, senda umuntu wenga nanti yaili, pakuti mulandu onsi usininkiziwe na yakambone yaili nanti yatatu.

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Yoane 1:1

Ku utandiko wa uumbo, kwali wino akaamwa Izwi. Izwi wali na Leza. Wene wali a Leza.

Yoane 10:30

Nemo na Tata twaya wenga.”

Yoane 12:28

Tata, langa antu yonsi lulumbi lwi zina lyako!” Alino izwi lifuma mwiyulu liti, “Nati ndangizya antu lulumbi lwane nga ndacita cii nupya kwene.”

Yoane 14:17

Wene a Mupasi wa cumi, wino akasokolola cumi ca pali Leza. Antu atemwa sile vya nsi yatangamuzengela, pano yatangamulola nanti kumumanya. Lelo mwemo mwamumanya pano akaikala namwe, nupya amaikalanga munomuli.

Yoane 15:26

“Lelo kaazwa aliza, ali Mupasi, wino akasokolola cumi ca pali Tata, nupya akafuma kuli Tata. Ndamutumila wii kwene kufuma kuli Tata, nga nawe alapeela umboni pamulandu wane.

Yoane 5:26

Vino Tata ali ntulo ya umi, avino walenga nu Mwana kwene kuti aye intulo ya umi.

Yoane 8:18

Nemo nkuicitila umboni, na Tata uwantuma nawe kwene akancitila umboni.”

Yoane 8:54

Yesu aasuka ati, “Ndi nkuikuzya nenga ale ukulu wane usi cimwi. Tata aliwe akankuzya. Mwemo mukalanda vino wene a Leza.

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Milimo 5:32

Naswe sweswe yakambone ya vintu vii, na Mupasi Wamuzilo kwene, wino Leza watapela kuli yano akamuyela.”

2 Kolinto 13:14

Cikuku ca Mwene witu Yesu Klistu, nu kutemwa kwakwe Leza, nu utandano wakwe Mupasi Wamuzilo viye namwe mwensi.

Malango 6:4

“Uvwini, mwe ina Izlaeli! Yawe Leza witu, Yawe wenga sile, ali Leza witu.

1 Yoane 1:1

Twamulembela pali wiyo akaamwa ukuti Izwi likapela umi, wiyo uwaliko kufuma ku utandiko, wino tuvwile, nupya wino twaweni na manso itu. Endi twamulolekisye, nupya twamukumizye ni minwe itu.

1 Yoane 5:6

Wii ali wino wizile na manzi nu wazi, a Yesu Klistu kwene, nga atizile na manzi yatupu sile, lelo wizile na manzi nu wazi. Mupasi Wamuzilo umwisikulu akupeela umboni uwakuti cii icacumi, pano wene ali cumi.

1 Yoane 5:8

Mupasi Wamuzilo, amanzi nu wazi. Na yonsi yatatu yakapela umboni onga kwene.

Umbwilo 19:13

Mwingila uno wazwite wakandine uwazi. Zina lyakwe yakati, “Izwi lyakwe Leza.”