1 Yoane 5:3 - Amazwi Yakwe Leza 2013

³ Swemo tukalanga kutemwa kuno twatemwa Leza pa kuyela masunde yakwe. Na masunde yakwe angupale,

1 Yoane 5:3 ပူးပေါင်းရင်းမြစ်များ

2 Yamwene 18:6

Na cico cali umukuti aliwe wenga sile wasakamalanga Yawe ukwaula ukumusangukila. Wene wayelanga amasunde yano Yawe wapile Mose.

Masamu 119:140

Amalayo yako acumi, silola vino ne muomvi wako nayatemwa.

Masamu 119:45

Indikalilila lyonsi umuntungwa, pano nkaezya ukuyela amasunde yako.

Kufuma 20:6

Lelo nkalanga kutemwa ku nkulo mazimbi zino zyantemwa nu kuyela amasunde yane.

Mapinda 3:17

Amano yakaletela umuntu uluzango umu wikazi wakwe, yakalenga nu kuti aikala mu mutende.

Danieli 9:4

Napefile ku Mwene Leza wane nu kulongwela amaifyo ya antu. Napefile inti, “Owe mwe, we Mwene Leza mukulu nupya uwakoofya, wemuno ukawaka upangano wako nu kulanga ukutemwa kuli yayo akutemwa, yano yakayela amasunde yako.

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Mateo 23:4

Pano yene yakanyepa visendo vinyomesye yatwika auze, vino yene yatange yalemeleleko nu kuyazwa.

Yoane 14:15

“Ndi mwantemwa mwayela masunde yane.

Yoane 15:10

Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.

Yoane 15:14

Mwemwe yacuza yane ndi mukucita vintu vino namunena.

Loma 7:12

Caleka, Masunde yene amuzilo, alungame nupya asuma.

Loma 7:22

Kwene mwenzo wane onsi ukazumilizya Masunde yakwe Leza.

Malango 5:10

Lelo nkalanga kutemwa ku nkulo mazimbi zino zyantemwa nu kuyela amasunde yane.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

Ayebulai 8:10

Lelo Mwene witu akuti, uu upangano uno ndacita na ina Izlaeli mu manda akwiza. Ndalemba masunde yane muli yakampingu yao nu mu myenzo yao. Ndaya Leza wao, nao yalaya antu yane.

1 Yoane 2:3

Ndi tukayela masunde yakwe Leza, ale lyene tukusininkizya vino twamumanya.

2 Yoane 1:6

Kutemwa kuno nkulanda kukusenula ukuti tulinzile kuyela malamulo yakwe Leza. Ilamulo lino muvwile kufuma ku utandiko ilyakuti mwensi mwatemwana.