1 Yoane 5:11 - Amazwi Yakwe Leza 2013

¹¹ Umboni uu ukati Leza watupeela umi wape, nu umi uu uli mu Mwana wakwe.

1 Yoane 5:11 ပူးပေါင်းရင်းမြစ်များ

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Yoane 1:19

Intunguluzi zya Ciyuda zyamu Yelusalemu zyatumile yasimapepo yamwi na ina Levi kuli Yoane kuti yakamuzye, yati, “Wewe weni?”

Yoane 1:4

Wene wali intulo ya umi, nupya umi wakwe wapile luswepo ku antu onsi.

Yoane 10:28

Nemo nazipela umi wapee nga nazyo zitalalowa. Pasi umuntu alazisompola mwi kasa lyane.

Yoane 12:50

Nani namanya vino ilamulo lyakwe likatungulula ku umi wa pe! Caleka vino nkukosola avino Tata wanenyile, avino nkavwanga.”

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 19:35

Wiyo uwaweni kuno vintu vii vikucitika, watapela umboni, kuti namwe kwene mutaile. Umboni wakwe uwa cumi, nupya wamanya vino akavwanga icumi.)

Yoane 3:36

Wino wensi akataila Mwana wene ali nu umi wape. Lelo wino wensi asyayela Mwana wene atalaya nu umi. Ukali wakwe Leza ulaya panoli.

Yoane 4:36

Na ndakai kazombola akulipilwa malipilo yakwe nga nu kukoozya vizao ku umi wape. Caleka kata wa mbezu na kazombola kwene, oili yalazangila pamwi.

Yoane 4:4

Lino aciliya, apita impanga pakasi mu Samaliya.

Yoane 5:21

Pano vino Tata akatutulula afwe nu kuyapela umi, avino nu Mwana kwene akapeela wino akasi umi.

Yoane 5:26

Vino Tata ali ntulo ya umi, avino walenga nu Mwana kwene kuti aye intulo ya umi.

Yoane 6:40

Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”

Yoane 6:47

Cumi, namunena nati, wino uwataila munondi wene ali nu umi wape.

Yoane 6:68

Simoni Petulo amwaasuka ati, “Mwene, uzye aweni namuze wino tungayako? Mazwi yako yakapela umi wape.

Loma 5:21

Caleka ndi vino iifyo lyateekanga kupitila mu mfwa, avino ni cikuku cakwe Leza kwene cikayateeka kupitila mu kuyacita kuya aololoke pa manso yakwe Leza, nu kuyatungulula ku umi wape muli Yesu Klistu, Mwene witu.

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

1 Timoti 1:16

Lelo Leza wali na mizu kunondi pakuti Klistu Yesu alange kuteeka mwenzo kunondi ne kaifya uwaluta onsi, nupya ciye icilangililo kuli yao onsi, yano alataila munoli nu kupokelela umi wape.

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

1 Yoane 2:25

Klistu umwisikulu nawe watulaya kutupela umi wape.

1 Yoane 4:10

Kuu kuli kutemwa kwakuti asi sweswe twatemwa Leza, lelo pano wene uwatutemilwe nga atuma Mwana wakwe kuti aye impolelwa ya pa maifyo itu.

1 Yoane 4:9

Leza watulanzile kutemwa kwakwe pakutuma Mwana wakwe wenga sile muno nsi, pakuti aliwe atupeele umi.

1 Yoane 5:10

Wino wensi uwataila Mwana wakwe Leza, wene wakwata umboni uu mu mwenzo wakwe. Lelo wino wensi asyataila Leza, ala wene akulanda ukuti Leza uwa ntumpu pano wene atataila vino Leza walanda vya pa Mwana wakwe.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

1 Yoane 5:7

Kwaya yakambone yatatu.

3 Yoane 1:12

Cila muntu akavwangila Demetiliyo visuma. Ni landwe kwene ilya cumi lino akakosola likacita cili conga. Naswe kwene tukulundapo umboni pali aliwe, nupya mumanyile ukuti vino tukulanda ivya cumi.

Yuda 1:21

Ikalini mu kutemwa kwakwe Leza. Lolelini Mwene witu Yesu Klistu, nawe alaya na mizu kunomuli nu kumupeela umi wape.

Umbwilo 1:2

Yoane nawe walondolwile vyonsi vino waweni. Nupya akupeela umboni pi landwe ilyafumile kuli Leza na pali vyonsi vino Yesu Klistu wamunenyile.

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.