1 Yoane 5:10 - Amazwi Yakwe Leza 2013

¹⁰ Wino wensi uwataila Mwana wakwe Leza, wene wakwata umboni uu mu mwenzo wakwe. Lelo wino wensi asyataila Leza, ala wene akulanda ukuti Leza uwa ntumpu pano wene atataila vino Leza walanda vya pa Mwana wakwe.

1 Yoane 5:10 ပူးပေါင်းရင်းမြစ်များ

Yobo 24:25

Uzye umwi angakana ukuti avino cikaya? Aweni angansinila ukuti nkuvwanga ivyantumpu?”

Masamu 25:14

Yawe akasokolwela inkama zyakwe kuli yao akamoopa, nu kuleka upangano wakwe umanyike kunoyali.

Mapinda 3:32

pano Yawe wapata umuntu akaifya uku mufulo, lelo aololoke ali yakundwe yakwe.

Ezaya 53:1

Antu nayo ali pakwasuka yati, “Wino angazumila ivintu vii vino tukulanda aweni? Nga wino angiluka ukuti Yawe ali wino akucita cii, aweni?

Yelemiya 15:18

Uzye lyene pacani cino nkalu kucululuka? Uzye pacani cino vilonda vyane vyalengela ukupola? Uzye ukulonda kuti uye kunondi wa luzi lwa ucenjezi, ulwa manzi akansomba?”

Mpendwa 23:19

Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Yoane 3:18

Wino wensi uwataila mu Mwana wene asyakupingulwa, lelo wino wensi asyataila mu Mwana wene wapingulwa mpiti, pano wene atataile Mwana wakwe Leza wino wavilwe wenga.

Yoane 3:33

Lelo wino wensi akataila umboni wakwe, wene akasininkizya vino umboni wakwe Leza uwa cumi.

Yoane 5:38

Mazwi yakwe yasyaikala mu myenzo inu, pano mutataila Tata wino uwantuma.

Milimo 8:37

Filipo nawe aasuka ati, “Ndi wataila nu mwenzo wako onsi ungawatiziwa. Alino nawe aasuka ati nataila vino Yesu Klistu Umwana wakwe Leza.”]

Loma 8:16

Mupasi wakwe Leza akatulenga kuti cumi tuye sweswe ana yakwe Leza.

Galatiya 4:1

Lelo ndakai nkulanda vii, mwana wino alapyana vyakwe isi, lino acili umwance yakamucita wa muzya nanti angala wene ali mwine wakwe vyonsi.

Galatiya 4:6

Leza watumile Mupasi wa Mwana wakwe mu myenzo itu, pakusininkizya ukuti sweswe ana yakwe, Mupasi wino akati, “Abba, Tata wane.”

Kolose 3:3

Pano mwemo mwafwile, icikusenula ukuti umi winu wafiswa pamwi na Klistu muli Leza.

Ayebulai 3:12

Mwe inane, cenjelini kuti umwi uwa munomuli ataya nu mwenzo uwiipe uwa kuntataila, nu kufutatila Leza wa umi.

2 Petulo 1:19

Acino twasininkizya cuze ukuti ilandwe lino yakasema yakosozile lyene ilya cumi. Ndi mwasumba mano kunolili ale mwacita ningo, pano lyene likoline wi lampi lino likwaka nu kuyengesa mu cifulo cimwi mu mfinzi. Mulinzile kutwalilila kwikako mano kufika lino kwaca nga na lino namukokola watunka mu myenzo inu.

1 Yoane 1:10

Ndi twati tutatala twifya, ale lyene tukuti Leza uwa ntumpu, nga ni zwi lyakwe lisi munotuli.

1 Yoane 5:1

Wino wensi uwataila ukuti Yesu a Katuula Uwalavilwe wene umwana wakwe Leza. Na wino wensi uwatemwa mukwasi wene watemwa nu Mwana kwene.

Umbwilo 12:17

Cizoka cisokela mwanaci cuze, nga cipita ku kulwisya ana yakwe onsi, ku antu yonsi akayela masunde yakwe Leza, nupya akapeela umboni wa pali Yesu.

Umbwilo 2:17

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela mana uwafiswa. Nupya cila wenga uwa munoyali ndamupeela iwe litiswe pano palembwa izina lipya, ililamanyikwa kuli aliwe asi kuli wensi.

Umbwilo 2:28

Nupya ndayapeela namukokola.