1 Yoane 4:9 - Amazwi Yakwe Leza 2013

⁹ Leza watulanzile kutemwa kwakwe pakutuma Mwana wakwe wenga sile muno nsi, pakuti aliwe atupeele umi.

1 Yoane 4:9 ပူးပေါင်းရင်းမြစ်များ

Utandiko 22:2

Leza avwanga kunoli ati, “Tola umwana wako umonsi, umwana wako umonsi wenga sile Isaki wino watemwa, uye ku mpanga ya Moliya. Na kukwa akuno uye ukamumpeele impolelwa wa wila wakoca pa mwamba onga uno ndakulanga.”

Masamu 2:7

Caleka umwene wiyo akuti, “Nkuma imbila ino Yawe wanenyile, ati, ‘Wewe uli mwana wane umonsi, Nani ilelo nayaso.

Mako 12:6

Uwasile ukutumwako umwana wakwe mukundwe. Pacisila, atuma mwana wakwe umonsi ku alimi avwanga ati, ‘Mwanane wene yalamucindika.’

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Yoane 10:10

Mwivi akaizila sile kwiya, kukoma, nu konona. Nemo nizile kuti muye nu umi, umusi ukuulilwa.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Yoane 3:18

Wino wensi uwataila mu Mwana wene asyakupingulwa, lelo wino wensi asyataila mu Mwana wene wapingulwa mpiti, pano wene atataile Mwana wakwe Leza wino wavilwe wenga.

Yoane 5:23

pakuti yonsi yacindike Mwana vino yacindika Isi. Wino asyakucindika Mwana, ala asyakucindika ni Isi wino wamutumile.

Yoane 6:29

Yesu nawe aasuka ati, “Cino Leza akulonda kuti mucite, ukutaila muli wino watuma.”

Yoane 6:51

Nene kwene indi cakulya icikapela umi cino ciiza pano pansi kufuma kwiyulu. Muntu ndi walya cakulya cii, wene alaya nu umi wape. Umwili wane uli cakulya ca umi uno nkapela ku antu yonsi amu nsi kuti yaye nu umi.”

Yoane 6:57

Tata wino akapeela umi uwantuma, nga nani indi nu umi pamulandu wakwe. Mu musango uli onga kwene wino wensi akulya umwili wane alaya nu umi pamulandu wane.

Yoane 8:29

Wino uwantuma ali nani. Wene asinsya nenga pano lyonsi nkacita vintu vikamuzanzya.”

Yoane 8:42

Yesu ayanena ati, “Leza ndi a So mu cumi, nga mwantemwa, pano nemo nafuma kuli Leza. Nupya ndakai ndi pano. Ntaizile nenga, lelo aliwe uwantuma.

Yoane 9:3

Yesu aasuka ati, “Umuntu wii, atapafula pamulandu wa maifyo yakwe nanti pamulandu wa maifyo ya akwasi yakwe. Wene wavilwe impafu pakuti maka yakwe Leza yalolekele munoli.

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?

Ayebulai 1:5

Pano Leza atatazile anena umwi uwamu angeli yakwe ati, “Wewe Mwanane, pano ilelo naya So.” Leza atatazile anene mungeli umwi ati, “Ndaya Isi, nawe alaya Mwanane.”

1 Yoane 3:16

Twamanya vino kutemwa kwaya pano Klistu wapile umi wakwe pamulandu witu. Uli mulandu uno naswe kwene tulinzile kupeela umi witu pamulandu wa antu yauze.

1 Yoane 4:10

Kuu kuli kutemwa kwakuti asi sweswe twatemwa Leza, lelo pano wene uwatutemilwe nga atuma Mwana wakwe kuti aye impolelwa ya pa maifyo itu.

1 Yoane 4:16

Naswe sweisikulu twamanya nu kutaila ndi vino Leza watutemwa. Leza ukutemwa, na wino akaikala mu kutemwa akaikala muli Leza na Leza akaikala munoli.

1 Yoane 5:11

Umboni uu ukati Leza watupeela umi wape, nu umi uu uli mu Mwana wakwe.

1 Yoane 5:13

Nkumulembela cii mwemuno mwataila mu Mwana wakwe Leza pakuti mumanye ukuti mwakwata umi wape.