1 Yoane 4:7 - Amazwi Yakwe Leza 2013

⁷ Mwe yacuza akundwe, lekini twatemwana pano ukutemwa kukafuma kuli Leza. Wino wensi akatemwa auze wene umwana wakwe Leza nupya wene wamanya Leza.

1 Yoane 4:7 ပူးပေါင်းရင်းမြစ်များ

Yoane 13:34

Ndakai namupeela isunde lipya lyakuti mwatemwana. Ndi vino nani namutemwa, avino namwe mulinzile kutemwana.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

1 Kolinto 8:3

Lelo Leza wene asyatwisika umuntu wino wamutemwa.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Galatiya 4:9

Lelo ndakai mwamanya Leza, nga kuluta pali cii, Leza nawe wamumanya. Uzye lyene mungaswilila uli ku kutekwa uzya ni ntambi zya nsi zisi na muzano nupya zikalenga insonyi?

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Malango 30:6

Nga alino Yawe Leza winu alapeela kunomuli nu ku amu mupanda winu imyenzo iyacuvwilo, pakuti mwamutemwa ni myenzo inu yonsi nu umi winu onsi. Lyene mulikalilila mu mpanga iya manda pe.

2 Timoti 1:7

Pano Mupasi uno Leza watupeela wene usyatulenga kuya antete. Lelo Mupasi wakwe wene ukatupela maka, kutemwa nga nu kuikanya.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

1 Yoane 2:10

Wino wensi akatemwa umwina wakwe wene ali mu luswepo, nupya munoli musi cimwi icingalenga umuntu umwi kwifya.

1 Yoane 2:29

Ndi mwamanya ukuti Klistu akacita vyaololoke, lyene mutatwisika ukuti umuntu akacita vyaololoke umwana wakwe Leza.

1 Yoane 2:3

Ndi tukayela masunde yakwe Leza, ale lyene tukusininkizya vino twamumanya.

1 Yoane 2:4

Umwi ndi wavwanga ukuti wamumanya, lelo asyayela masunde yakwe, ala wene uwa ntumpu ni cumi citaya munoli.

1 Yoane 2:7

Mwe yacuza yane akundwe, ntakumulembela isunde lipya. Lelo nkumulembela isunde lyampiti lino mwapilwe pa kutandika. Isunde lyampiti amazwi yano muvwa mpiti.

1 Yoane 3:9

Kusi umwi uwamu ana yakwe Leza akatwalilila kwifya, pano mwata wakwe Leza waya muli aliwe. Leza ali Isi, acino umuntu wiyo atangatwalilila kwifya.

1 Yoane 4:11

Mwe yacuza akundwe, ndi Leza watutemilwe vivyo, catuzipila kuti naswe twatemwana.

1 Yoane 4:12

Kusi umwi uwalola Leza. Lelo ndi twatemwana ale Leza wikala munotuli, nga nu kutemwa kwakwe kwaya ukufumaluke munotuli.

1 Yoane 4:16

Naswe sweisikulu twamanya nu kutaila ndi vino Leza watutemwa. Leza ukutemwa, na wino akaikala mu kutemwa akaikala muli Leza na Leza akaikala munoli.

1 Yoane 4:20

Umwi ndi wati watemwa Leza, lelo wapata umwina wakwe, wene uwa ntumpu. Pano wene asyatemwa umwina wakwe wino akalola, uzye angatemwa Leza uli wino asilola?

1 Yoane 4:8

Muntu asyatemwa auze wene atamanya Leza, pano Leza ukutemwa.

1 Yoane 5:1

Wino wensi uwataila ukuti Yesu a Katuula Uwalavilwe wene umwana wakwe Leza. Na wino wensi uwatemwa mukwasi wene watemwa nu Mwana kwene.

2 Yoane 1:5

Acino w e Mangu mukundwe, nkukulenga nkuti twatemwana. Ilamulo lii lino nkumulembela lisi lipya. Lyene ilamulo lino twapilwe kufuma ku utandiko.