1 Yoane 4:21 - Amazwi Yakwe Leza 2013

²¹ Ilamulo lino Klistu watupeela likati wino wensi uwatemwa Leza wene alinzile kutemwa nu mwina wakwe kwene.

1 Yoane 4:21 ပူးပေါင်းရင်းမြစ်များ

Aina Levi 19:18

Utalandula uyi wa muntu umwi nanti kutwalilila kupata umuntu umwi. Lelo uwatemwa muzo ndi vino waitemwa. Nene indi Yawe.

Mateo 5:43

“Muuvwa vino cavwanzilwe ukuti, ‘Watemwa muzo, usoke mwanisi wako.’

Luka 10:37

Kasambilizya wa Masunde nawe amwaasuka ati, “Awilya uwamuyelile uluse.” Alino Yesu amunena ati, “Pita kacite ivili vimwi.”

Yoane 15:12

Lii lili sunde lyane lyakuti mutemwane ndi vino nemo namutemwa.

Galatiya 5:14

Pano Masunde yonsi iimikwa mwi lamulo lii likati, “Uwatemwa umuzo ndi vino waitemwa.”

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

1 Tesalonika 4:9

Citakulondekwa kumulembela pakutemwa kuno mwe muno mwataila mulinzile kutemwana. Mweisikulu Leza wamusambilizya vino mulinzile kutemwana.

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

1 Petulo 4:8

Kuluta pali vyonsi, mutemwane nu mwenzo onsi, pano kutemwa kukalenga kwelelana maifyo aingi.

1 Yoane 2:7

Mwe yacuza yane akundwe, ntakumulembela isunde lipya. Lelo nkumulembela isunde lyampiti lino mwapilwe pa kutandika. Isunde lyampiti amazwi yano muvwa mpiti.

1 Yoane 3:11

Landwe lino muvwile kufuma ku utandiko likati mulinzile kutemwana.

1 Yoane 3:14

Twamanya ukuti kutemwana kwitu kukasininkizya vino twafuma mu mfwa nu kuya mu umi. Wino wensi asyatemwa antu yauze wene acili mu mfwa.

1 Yoane 3:18

Mwe ana yane mwe, kutemwa kwitu kutaya sile mukulanda. Kwene kulinzile kuya ukwa cumi nupya kwaloleka mu milimo.

1 Yoane 3:23

Ilamulo lino watupeela ilyakuti tutaile mu Mwana wakwe Yesu Klistu nga nu kutemwana ndi vino Klistu watupile ilamulo.

1 Yoane 4:11

Mwe yacuza akundwe, ndi Leza watutemilwe vivyo, catuzipila kuti naswe twatemwana.