1 Yoane 4:13 - Amazwi Yakwe Leza 2013

¹³ Twasininkizya ukuti tukaikala muli Leza nawe akaikala munotuli, pano wene watupeela Mupasi wakwe.

1 Yoane 4:13 ပူးပေါင်းရင်းမြစ်များ

1 Kolinto 2:12

Swemo tutapokelela mupasi uwafuma muno nsi. Lelo twapokelela Mupasi Wamuzilo kufuma kuli Leza, pakuti atwazwe tumanye vyonsi vino Leza watupela.

1 Kolinto 6:19

Uzye mutamanya vino mili inu ing'anda ikulu yakwe Mupasi Wamuzilo? Leza wamupile Mupasi Wamuzilo kuti aikala munomuli. Uli mulandu uno umi uno mukwikala usi wakwinu lelo uwakwe Leza.

1 Yoane 2:3

Ndi tukayela masunde yakwe Leza, ale lyene tukusininkizya vino twamumanya.

1 Yoane 2:5

Lelo mu cumi wino wensi akayela mazwi yakwe, wiyo kwene awino kutemwa kuno watemwa Leza kwaya ukufumaluke. Vii, avino swemo tungasininkizya ukuti tuli muli Leza.

1 Yoane 3:24

Wino wensi akayela malamulo yakwe Leza wene wikala munoli, na Leza nawe wikala muli aliwe. Nupya twamanya ukuti Mupasi Wamuzilo wino watupeela wene ali cisininkizyo cakuti Leza wikala munotuli.