1 Yoane 3:4 - Amazwi Yakwe Leza 2013

⁴ Wino wensi akaifya wene ali nu mulandu wakuvuna masunde yakwe Leza, pano ukwifya kuli kuvuna masunde.

1 Yoane 3:4 ပူးပေါင်းရင်းမြစ်များ

1 Yamwene 8:47

wemo wauvwa amapepo ya antu yako. Ku mpanga kwene iyo kuno yaya, ndi cakuti yazenzuka yatandika nu kupepa, yailongwela na maifyo yao na vyonsi vino yakuluvyanyizye, we Yawe uvwa mapepo yao.

1 Milandu 10:13

Saulo wafwile pamulandu wakuti atali uwacumi kuli Yawe. Wene atayelanga amasunde yakwe Yawe. Walondanga utunguluzi ukupitila mu kusapola ku mipasi ya afwe

2 Milandu 24:20

Alino Umupasi wakwe Leza wikila pali Zakaliya, umwana wakwe simapepo Yeoyada. Wene aimilila pakasi ka antu nga ayuzya ati, “Yawe wavwanga wati, ‘Uzye pacani cino musikuyela amalamulo yane? Mutalaya nu longo awe. Pamulandu wakuti mwemo mwamfutatila ne Yawe, mutalaya nu longo awe, nga nani kwene namamufutatila!’ ”

Ezaya 53:8

Yamulemile sile nu kumupingwila ukufwa, ukwaula nanti umwi uwakumuvwangila. Yamukomile pa maifyo itu.

Danieli 9:11

Izlaeli wensi wavuna amasunde yako nu kukufutatila, nupya wene wakana ukukuyela. “Caleka swemo twifya kunuli nu kuiletelela intipu zino zyalembwa mu Masunde yakwe Mose, umuomvi wako we Leza.

Mpendwa 15:31

Pamulandu wakusuula amazwi yakwe Yawe nu kukanayela amasunde yakwe, cumi kwene umuntu wiyo alinzile kusukulwa. Wene acili nu mulandu.

Mateo 5:19

Caleka wino wensi asyayela isunde lyonga linono ilya mu masunde yaa, nu kusambilizya antu kucita vikwene, wene yalamucefya mu Wene wa mwiyulu. Lelo wino wensi akayela masunde yaa nu kusambilizya antu, wene yalamukuzya mu Wene wa mwiyulu.

Milimo 23:3

Lyene Paulo amunena ati, “Nawe Leza alakuma we lung'umba we muno wapakwa umula. Utenzi papo kuti umpingule kulingana na Masunde yakwe Mose, lelo ukuvuna masunde pa kupeela ilamulo kuti yangume!”

Loma 3:20

Pano kusi umuntu nanti wenga wino angaya mololoke pa manso yakwe Leza pa kuyela sile Masunde. Mulimo wa Masunde ukulanga vino umuntu wifya.

Loma 4:15

Kuntayela Masunde kukaleta ukali wakwe Leza! Lelo ukusi Masunde kutangaya kuntayela.

2 Kolinto 12:21

Nkoopa kuti lino ndiza limwi Leza alandenga kuya ni nsonyi pa manso inu, ndalonda kulila pano aingi muno muli aifizye mpiti nupya yatazenzwike ku vya winyi vyao, imbunu nga nu uzelele wao.

Yakobo 5:15

Ndi yataila lino yapepa ale mulwale alapoziwa. Mwene alamukatusya, nga nu kumwelela maifyo yano wacita.

1 Yoane 5:17

Kuluvyanya konsi ukwifya. Lelo kwaya iifyo lino ilisyatungulula ku mfwa.

1 Samueli 15:24

Lyene Saulo anena Samueli ati, “Natinifya. Nakanyile ukulondela ilamulo lyakwe Yawe na vino wantungulwile. Noofile asilika nga incita vino yalondanga.