1 Yoane 3:24 - Amazwi Yakwe Leza 2013

²⁴ Wino wensi akayela malamulo yakwe Leza wene wikala munoli, na Leza nawe wikala muli aliwe. Nupya twamanya ukuti Mupasi Wamuzilo wino watupeela wene ali cisininkizyo cakuti Leza wikala munotuli.

1 Yoane 3:24 ပူးပေါင်းရင်းမြစ်များ

Yoane 10:38

Lelo ndi nkuvicita, nanti mutantaile, mulinzile kutaila nanti vicitwa vyane, kuti mumanyile limwi vino Tata nani twaya wenga.”

Yoane 14:17

Wene a Mupasi wa cumi, wino akasokolola cumi ca pali Leza. Antu atemwa sile vya nsi yatangamuzengela, pano yatangamulola nanti kumumanya. Lelo mwemo mwamumanya pano akaikala namwe, nupya amaikalanga munomuli.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

1 Kolinto 3:16

Cumi mwemo mwamanya vino mwemwe Ng'anda ikulu yakwe Leza nga na vino Mupasi Wamuzilo akaikala munomuli.

1 Kolinto 6:19

Uzye mutamanya vino mili inu ing'anda ikulu yakwe Mupasi Wamuzilo? Leza wamupile Mupasi Wamuzilo kuti aikala munomuli. Uli mulandu uno umi uno mukwikala usi wakwinu lelo uwakwe Leza.

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.

2 Timoti 1:14

Mu maka yakwe Mupasi Wamuzilo, wino akaikala munotuli, nakunena ukuti wacingilila vintu visuma vino walasikwa.

1 Yoane 2:24

Lyene namwe lekini ilandwe lino muvwile kufuma ku utandiko likalilile mu myenzo inu. Vino muvwile kufuma ku utandiko ndi vikalilila mu myenzo inu namwe lyonsi kwene mulikala mu Mwana na muli Tata.

1 Yoane 2:3

Ndi tukayela masunde yakwe Leza, ale lyene tukusininkizya vino twamumanya.

1 Yoane 2:5

Lelo mu cumi wino wensi akayela mazwi yakwe, wiyo kwene awino kutemwa kuno watemwa Leza kwaya ukufumaluke. Vii, avino swemo tungasininkizya ukuti tuli muli Leza.

1 Yoane 2:6

Wino wensi akalanda ukuti wikala muli Leza wene alinzile kucita vino Klistu wacitanga.

1 Yoane 3:22

Wene akatupeela cili consi cino tukalenga, pano tukayela masunde yakwe nu kucita vintu vino vikamuzanzya.

1 Yoane 4:7

Mwe yacuza akundwe, lekini twatemwana pano ukutemwa kukafuma kuli Leza. Wino wensi akatemwa auze wene umwana wakwe Leza nupya wene wamanya Leza.