1 Yoane 3:20 - Amazwi Yakwe Leza 2013

²⁰ Yakampingu itu ndi yatuvunuka, twamanya ukuti Leza wene umukulu kuluta yakampingu itu. Wene wamanya vintu vyonsi.

1 Yoane 3:20 ပူးပေါင်းရင်းမြစ်များ

Yobo 27:6

Ntalata ukulanda ukuti nemo nkacita vyaololoke, nu kuta intalatala inte ukucita vivyo, awe. Pasi pano kampingu wane asikunenola.’

Yobo 33:12

“Ali cino fwandi nemo ne Eliu inkukwasuka nati, ‘Yobo awe kwene watuluvyanya apakuvwanga vivyo. Ala mwine Leza wene umukulu ukuluta antu.

Masamu 90:8

Inkota zitu zyaya apa lwalala kunuli, na maifyo itu amu umfisolo nayo kwene ukayaleta apaswe.

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Yoane 21:17

Yesu amuuzya iila lyakwe citatu ati, “We Simoni mwana wakwe Yoane, uzye wantemwa?” Petulo auvwa ulanda pano Yesu wamuzya iila lyakwe citatu ati, “Uzye wantemwa?” Alino Petulo amunena ati, “Mwene wamanya vintu vyonsi. Wamanya vino nakutemwa!” Alino Yesu amunena ati, “Uwalisya mfwele zyane.

Yoane 8:9

Nao lino yuvwa cii, yonsi kwene yafuma wenga wenga, kutandika ku mukalamba kufika nu ku munono. Yesu asyala wenga nu mwanaci ala aimi papa kwene.

Milimo 5:33

Lino amwi Tengo yuvwa cii, yasoka cuze, cakuti yasolola kuti atumwa yakomwe.

Loma 8:34

Uzye lyene aweni angayavunuka? Vino Leza umwisikulu wati yasi na mulandu. Klistu Yesu wino uwafwile, nupya uwazyukwike kufuma ku mfwa, wino ndakai wikala kwi kasa lilunji lyakwe Leza, akutupapatila kunoli.

1 Kolinto 4:4

Mumwenzo wane muli cumi, lelo cii cisyakusininkizya ukuti nene wakaele. Mwene aliwe akampingula.

Tito 3:11

Umanye ukuti umuntu wa musango uu umuvulungane, nga na maifyo yakwe yakamusinila ukuti wene waluvyanya.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Ayebulai 6:13

Lino Leza walavile Abulaamu, wene walavile nu mulapo kucita vino walavile. Vino kutali umwi mukulu kuluta aliwe, umwisikulu waomvizye izina lyakwe pa kulaya nu mulapo.

1 Yoane 3:19

Lyene vii avino tulamanya ukuti swemo tuli kumbali ya cumi. Nupya tulikala ateke myenzo pa manso yakwe Leza.

1 Yoane 3:21

Acino mwe yacuza akundwe, yakampingu itu ndi yasyakutuvunuka, lyene tulaya aposye pa manso yakwe Leza.

1 Yoane 4:4

Lelo mwe ana yane, mwemwe yakwe Leza. Mwemo mwacimvya mpiti yakasema yaufi, pano Mupasi uwaya muno muli wene uwamaka kuluta Mupasi utazumila Klistu uli muli yao amu nsi.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.